■林雪孖碧咸拍廣告，其間兩人合照。香港文匯報訊（記者 鍾楚貽）林雪早前去了澳門三日拍攝一個大型廣告，昨日廣告teaser 終於曝光。原來林雪係同國際萬人迷碧咸拍攝澳門威尼斯人的全新廣告，而片中出現的另一香港代表為羅蘭，另外尚有四位內地藝人包括人氣女星柳岩、喬杉、楊迪和超級網紅草圖君。
片內，見到碧咸從一間冰室衝出，扮廚房佬的林雪則穿白背心綁上圍裙，一臉兇神惡煞，帶住楊迪和草圖君於冰室現身，至於臉容帶點詭秘的羅蘭姐則從簾後走出。整個廣告teaser只見幾位藝人演員在澳門的懷舊氛圍下出場，但相信仍未去到高潮，要到本月19日廣告正式推出才可一窺全豹。
林雪雖已拍過多個大型廣告，但今次夥碧咸這個國際紅人拍攝廣告，特別難得。林雪表示：「以前睇波時已經覺得碧咸好有型，原來真人仲靚仔，又高大，仲高我好多，佢好 nice，冇架子，仲攬住我影相。」