■胡定欣同馬浚偉在加拿大多倫多開演唱會。香港文匯報訊 馬浚偉同胡定欣日前去加拿大多倫多開演唱會實行搵真銀，今次係胡定欣第一次到多倫多開演唱會。主辦方非常落重本，仲同TVB買版權做1:1劇照人型紙牌給觀眾影相。
胡定欣笑言多倫多的觀眾表示雖然電視劇集已經大結局，但係當見到自己劇照人形紙牌，觀眾就話感覺套電視劇仲未播完好有代入感，好似又再繼續一齊追劇一樣。胡定欣說：「尤其見到個劇照，就令大家諗返劇集裡面登基做皇帝皇后的情景，他們好似一齊參與儀式觀禮一樣，搞到我好感動，真係估唔到呢套劇，會有咁大威力同影響力。」
演出嗰陣令到胡定欣好感動是因為觀眾非常之熱情，觀眾衝晒上台前面影相，然後落台握手時，觀眾亦都爭相來握手。
今次除了工作之外，定欣亦都乘機偷空畀自己休息一下，主辦單位仲特登帶各人去旅遊景點睇尼加拉瓜瀑布，同埋去譚詠麟推介的生蠔餐廳食嘢。