香港文匯報訊（記者 梁靜儀）郭羨妮（Sonija）與莊思敏（Jacquelin）昨日到觀塘出席商場《開運潮豬迎新春》活動，二人不約而同作性感打扮現身。
農曆新年將至，Sonija透露會留港過年，新年派利是都是開心事，她亦帶女兒去拜年??利是，而身在北京的老公亦會回來，屆時她會親自下廚，會整大魚大肉，如花膠扒、鮑魚。問到是否全部自己煮？Sonija說：「要學好容易，上網睇片學。（老公讚好食？）老公最鍾意我整焗羊扒、西洋菜湯，同埋包餃子，同個女一齊包，好好玩。」
同場的Jacquelin透露新年三姊妹會回馬來西亞過年，：「因為屋企人喺嗰邊，年年都返去一家人食飯，新年都係飲飲食食同拜年。」問到拜年時可有被親友催婚？她笑說：「梗係會啦！催到唔想再講。（有信心??埋今年利是，明年派利是？）信心年年都有，但年年都係咁，遇到就遇見。」Sonija有感而發笑指緣分要來就來。
恨嫁恨到出口的Jacquelin更坦言希望一年內完成結婚及生仔，Sonija笑問她：「要孖胎？」Jacquelin即答道：「都好呀。」
問到妹妹莊思明是否快將結婚？Jacquelin卻稱不知道：「冇問，費時畀佢咁大壓力，順其自然。佢哋自己有分數，兩個人一齊開心就得。（思明男友楊明會唔會一齊去馬來西亞？）唔知呀，佢要開工，同埋佢都有屋企人，唔好搶咗人哋個仔。」