■劉浩龍香港文匯報訊 劉浩龍（師兄）宣傳新歌《阿龍理髮》又獻新猷。有見上次暴走族造型反應不俗，師兄今次拍攝「木刀之龍」劍道挑戰時，特意再戴起「飛機頭」，化身武士與學了六年劍道的大師姐決鬥「速度」、「力度」和「精準度」，場面搞笑；同時令他憶起兒時參與柔道比賽3秒不夠被淘汰。
師兄今年操弗有功，練出一身鋼條型。童年是「肥龍」的師兄透露，自己曾在小學一年級至三年級學過柔道。他自爆當年得失心重：「想當年阿龍好肥，當時比賽計磅數，我對面係一個高我三個頭嘅外國小朋友，我一出到去唔夠3秒就被淘汰。跟住返到屋企係咁喊，唔輸得，自此之後就無再學柔道。」