■劉錫賢（右一）與吳堯堯（右三）出席好友的開年飯局。香港文匯報訊（記者 梁靜儀）劉錫賢（肥仔賢）與吳堯堯（仙樂都）前晚出席一班圈中好友的開年飯局，因健康問題正努力減磅的肥仔賢，即場寫了「減肥成功」的揮春送給自己。他表示，以前的新年願望多是賺多些錢，今年就想減磅，目標係半年內減40磅。新年前成功減了十二磅的他，坦言近日因食了多餐開年飯，結果反彈了4磅，其實忍得到的他都會忍，現在除了節食，還會做健身及步行減肥，因下星期又要排練舞台劇，要過艱辛清淡的日子。
肥仔賢又透露年初一、二去了內地登台，??了不少利是，過了一個肥年：「初一同黎耀祥（祥仔），初二就有葉振棠，祥仔拎個環保袋行一個圈已裝滿利是，我就帶兩個紙袋，都裝到半滿。」
仙樂都儲錢泰國起屋
媽咪是泰國人的吳堯堯（仙樂都）即場用泰文寫揮春，又以泰文祝大家「新年快樂、恭喜發財」，她開心表示已成功申請到泰國身份證，下個月便取得證件，現時每日都抽兩小時學泰文。問她是否會多回泰國居住？她表示：「都會， 因媽咪喺泰國，佢身體又唔係幾好。（會喺當地置業？）因為有地，反而想儲多啲錢起屋，我哋住泰東北嗰邊，生活水平好低，起屋材料連人工加埋都只係幾萬蚊，（用嚟投資？）泰東北偏僻啲，唔同大城市，就算地鐵沿線嘅住宅都冇乜二手市場，因為不停起啲屋又新又靚，二手樓唔係咁易有人接手，二手市場交投比較淡靜，多數買嚟自住或出租。」