■小方與阿Bob主持《你咪理》廚房，請來楊詩敏及陳明恩上台煮千層麵，再由祖藍及毛姐試食評分。香港文匯報訊（記者 梁靜儀）王祖藍首次執導及主演的歌舞賀歲電影《你咪理，我愛你！》，截至2月11日累計票房已衝破800萬，前晚更舉行新春團拜慰勞台前幕後一眾工作人員及演員，出席演員有毛舜筠(毛姐)、方力申(小方)、林盛斌(Bob)、胡楓、陳明恩、梁嘉琪及楊詩敏(蝦頭)等，祖藍老婆李亞男亦現身支持。
近日忙於為電影宣傳及謝票的祖藍，表示之後的宣傳重任會交給毛姐，因為他會放假陪老婆飛去日本過情人節兼慶祝結婚周年紀念，此行會去五日，之後再要去內地做元宵晚會。提到他退出新一輯內地綜藝節目《奔跑吧兄弟》（《跑男》），祖藍指官方微博都正式公佈了，而他是因為家事而要暫別《跑男》：「上年囡囡又要就我檔期出世、老婆懷孕我就要演舞台劇冇陪佢，大家都知我個Schedule（時間表）幾痛苦，所以今年我想以家庭為主，之後接早工作遷就老婆同囡囡，唔想出埠工作太耐，𠵱家傾工作都係一、兩日就返港，或者帶埋老婆同個女去，當然我都唔捨得，《跑男》係人生的轉捩點，為屋企至作呢個痛若決定，不過私下我同《跑男》的兄弟有聯絡。」問到之後會否重回節目？他指今年因囡囡出世、電影上映、公司又開拍節目，所以暫別先。至於是否因「限酬令」才決定暫別節目？他就否認：「冇關係、冇關係，我一向唔係好貴，自己都有另一些內地綜藝節目，好似自己公司會拍第二季《沒想到吧》，如果有限酬令呢個問題就唔會有其他節目拍。」