喺反對派立法會議員裡面，「關鍵缺席」點止一個戇橋（楊岳橋）。同屬反對派嘅會計界議員梁繼昌，昨日喺立法會二讀佢嗰個私人條例草案時，梁繼昌就玩失蹤，令草案不獲處理。梁繼昌初時仲死撐話佢當時喺會議廳內，其後在多名議員力證他並不在席時，佢就改口話需要多聽業界意見喎。咁都得？
立法會今年1月復會後首個大會，其中一個議程原本係討論由公民黨黨魁戇橋提出嘅「檢討單程證政策」議案。不過，佢喺討論到呢個議案時竟然話自己睇緊《國歌條例草案》直播而no show，令主席取消咗佢個動議及宣佈休會，戇橋亦因此而備受批評同恥笑。點知，梁繼昌噚日竟然「玩埋一份」。
話說梁繼昌提出《2018年專業會計師（修訂）條例草案》，禁止並非根據《條例》註冊為會計師或執業單位的個別人士或公司使用「專業會計」、「註冊會計」、「認可會計」或「執業會計」等具誤導性的稱謂，以及加重相關罪行的罰則。
草案喺噚日交立法會二讀。不過，佢喺二讀時竟然唔在席，立法會主席梁君彥宣佈不予處理。梁繼昌其後聲稱，自己一直在會議廳內，又稱根據他「個人理解」，主席應要求草案委員會主席莫乃光發言完畢才到自己，認為主席不應該取消其二讀云云。
不過，根據立法會的錄影片段，佢當時的確唔喺位噃！在場的建制派議員亦力證，梁繼昌及同屬「專業議政」的莫乃光當時的確不在會議廳內。
民記恥笑：又玩關鍵缺席
民建聯就出蒲（post）恥笑：「今（昨）日明明冇政府記者會直播睇啦，唔知會計界立法會議員梁繼昌點解又甩轆呢？」仲標註咗「果然係專業」、「又玩關鍵缺席」、「唔知今次辦公室有咩睇呢」。
身為反對派嘅前會計界議員譚香文亦出蒲揶揄，「有些事比小說更離奇，比六月飛霜更詭異。……根據會議錄影，『泛民主派』陣營當（二讀）時只有民主黨主席胡志偉在場，但梁繼昌竟聲稱自己當時在席，對主席決定感到奇怪云云。究竟梁是否身在會議廳內結界？」
佢更質問：「（如果梁繼昌確在會議廳內，）當聽到會場內的主席召喚，梁繼昌為何不用盡氣力呼喊，向那個目中無人的主席證明自身的存在？也許，梁議員應是工作過度，歷盡生死疲勞，聲嘶力竭，沒氣力再呼喊了。」
譚香文仲話，本年度立法會仍有許多議案需要處理，「幾可肯定梁的議案在今個立法年度肯定不能進行二讀討論。」
被踢爆改稱缺席「臨場策略」
被踢爆後，梁繼昌就改口稱自己缺席是「臨場策略」。其後，他再在fb稱：「我需要更多的時間游說各黨派的議員支持通過此法案。故此，我今（昨）日押後恢復法案二讀的程序，實在是情非得已，請大家見諒。」
有功能界別議員亦指，梁繼昌此前確曾游說多名功能界別議員支持他的私人條例草案，但大家都感到修訂會影響業界很多從業員，故未能接受，故不排除梁繼昌的確因「數唔夠票」而故意延遲二讀。既然係咁，梁繼昌最初點解要講大話，話自己喺會議廳內呢？可能因為怕其他議員即場表示唔支持啩，所以想要將責任推落主席身上，但咁樣做未免太無賴啦啩！■香港文匯報記者 鄭治祖、陳川