薛凱琪香港文匯報訊 薛凱琪（Fiona）被公認擁有白皙細嫩肌膚，其實她亦花了不少時間鑽研防曬秘笈，其中一個秘訣，是袋中常備一支防曬乳液。
美白和減肥一樣，並非一朝一夕，Fiona回想初入行，拍攝處女劇《學警雄心》時，因天天外景天天曬，不懂護理皮膚的她，日日在拍攝場地中「裸曬」，結果白滑女神慘變一碟墨汁意粉。Fiona表示：「其實防曬真係好重要，因為紫外線有機會導致患皮膚癌，細個唔識點防曬，嗰時拍《學警》，24小時都要同陽光玩遊戲，就係咁，嗰半年晚晚屋企一熄燈，我就好似變咗隱形人一樣。」
為免歷史重演，Fiona往後積極為皮膚進行美白工程，防曬三寶（防曬乳液、太陽帽、太陽眼鏡）必定跟身，她說：「自己成日拍外景，接觸陽光係無可避免，尤其喺夏天，成日會標汗同出油，太陽紫外線又會搞到個人好乾。所以出門口前都會做足準備工夫。」
拍攝當日，因為落大雨關係，Fiona要用演技搭夠才能完成拍攝工作，「廣告內容要我坐喺天台，邊曬太陽邊寫生。不過出面橫風橫雨，一啲陽光都冇。廣告最後要用animation畫個藍天出嚟，我就要靠風筒、風扇吹住，營造飄逸嘅效果，諗起都幾搞笑。」