■右起：狄龍 、閻奕格和沈震軒昨為音樂劇綵排。香港文匯報訊（記者 梁靜儀）狄龍 、閻奕格（格格）、沈震軒昨日到鯉魚門為音樂劇《搭錯車》進行綵排，導演高志森並即場宣佈加開賽馬會綜藝館六場，並籌備到新加坡公演，日前一眾演員到深圳的模擬場景踏台試位。
現場排練了兩段戲，其中一段是沈震軒與格格的歌舞戲，二人又攬又抱；另一段是狄龍與格格的父女對手戲，龍哥更邊演邊做手語。
綵排後，三人一起接受訪問。對於加場，格格稱好開心可以多演幾場。沈震軒就表示做live show一定會緊張。狄龍笑說：「我啲老皮老骨，老牛破車，又係高導演年紀最大的學生，有乜甩漏要原諒我呀！今次同兩個年輕人合作，自己心態都後生咗。」
沈震軒就很佩服龍哥，因手語是很難學的，但他第一日讀劇本已學好。狄龍說：「手語係高深又簡單，喺方寸之地但包含萬有，呢樣係專業，但自己只係皮毛，睇完視像圖跟老師，盡我所能去學，學咗個幾月。」
劇中要獻唱多首歌的格格表示為了養聲，綵排時會留聲，到公演時才去盡。她又稱最驚反而要極速換衫：「我有好多個造型，最難係要喺十五秒內換好衫，對我係個挑戰，到時會有三個人幫我換衫。」