■劉威煌發佈新歌。香港文匯報訊（記者 植植）歌手劉威煌昨日發佈《我們的青春日誌》音樂劇歌曲《她只當我是朋友》，並將正式派台，作曲及填詞由年僅21歲的陳恩碩擔任，他亦是音樂劇的監製、導演、編劇。
兩年沒有出歌，劉威煌表示呢首歌用咗好多貼地歌詞，同以前的歌唔同。問劉威煌會唔會想簽返唱片公司？他說：「現在有簽經理人公司，如果簽唱片公司雙方都會有壓力，出一首歌想脫穎而出唔容易，唔係個個都得，投放咗資源、心機但唔係嗰回事大家都辛苦，加上𠵱家傾向自己做，經理人幫我分配工作時間就足夠，宣傳新歌可以再搵人幫手。」續透露下半年會再推出新歌，又自言人大了不再計較得失：「以前有段長時間計太多好唔開心，自問都唱得幾好，點解冇人識聽、唔Hit，但現在會識得去聽讚賞的聲音。」