黃絲成日鍾意笑人「玻璃心」，但其實自己個心脆弱起上嚟都幾誇張。班友早排喺《時代》雜誌（Time）票選「年度風雲人物」時，猛咁催谷網上投票要對方選「香港示威者」。不過，《時代》最終選咗16歲嘅瑞典環保少女Greta Thunberg做「年度風雲人物」，令一班黃絲「玻璃心碎」，鬧爆Greta「假環保」、「小演員」，有人仲人身攻擊佢係「自閉小孩」、「希特拉都很環保」等等。有人就遷怒《時代》，叫佢哋「食屎」。
成班黃絲之前幾咁渴望「香港示威者」能成為《時代》今年嘅「年度風雲人物」，現在落選咗，即刻就反臉不認人。今次Greta因力推環保獲選，班反枱黃絲就覺得佢唔夠「香港示威者」「偉大」，開始喺網上係咁貼佢之前喺火車上用到即棄物品嘅相。
「秋本明」話︰「支持環保事業，但這個女孩子是完全的政治演員。」「Chi Yin」稱︰「一個有『中二病』既（嘅）假環保×都可以做風雲人物。」
爆粗鬧Greta「自閉小孩」
「Leo Wong」爆粗稱：「咪×玩啦×你老母，出嚟開玩笑啊？！咁嘅傻×都贏到？唔×係掛戇××呀，原來環保仲重要過人命同人權！」「コン ?」更人身攻擊有亞斯伯格症嘅Greta：「佢到底做咗啲乜×？！？！自閉小孩！」「謝米米」更稱：「well，希特拉很環保呢！」
由於Greta喺網上投票嘅得票率係逾4.5%，少過「香港示威者」嘅逾30%，唔少人就鬧埋《時代》。「Stephanie Lau」問︰「雖然當初Greta嘅影響力係好大，但係已經被多次揭穿係假環保人士、做show，其實將佢擺雜誌封面咪等於幫佢繼續呃人？」「Mag Fu」稱︰「既然都係黑租（箱）作業，洗（使）咩投票唶（啫）？」「Ale× Chan」話︰「算吧啦，下次唔會再投，食屎啦，最後咪又係編輯決定！」
facebook專頁「西米，Go！」揶揄︰「《Time》雜誌編輯唔係蠢既（嘅），一個關心地球既（嘅）未成年少女，有齊『女權』、『左膠』、『環保』三大元素，政治正確之餘，岩（啱）晒美國鬼佬讀者口味。」
見「侵仔」幫口又自high
部分專頁及網媒則引用美國總統特朗普個仔Donald Trump Jr.喺社交網站嘅文，話《時代》唔揀「香港示威者」而揀Greta係「how dare you」。唔少人開始封「侵仔」做偶像，但「Man Kun Fong」就引新聞指出侵仔曾經獵殺瀕危動物，揶揄話呢啲「就係港人的偶像」。
Greta知唔知有咁多香港黃絲鬧佢就不得而知，但佢噚日出post話同香港人站在同一陣線，真係笑看黃絲急轉軚嘞。■香港文匯報記者 甘瑜