香港文匯報訊（記者 文根茂、杜思文）一個醜聞纏身令人避之不及的藝人阮民安（Tommy），近月憑藉高調的「黃色」言論及同「港獨」分子、「香港眾志」周庭，民主黨立法會議員鄺俊宇合作的「抽水」之歌《煲底之約》而被奉為「黃絲男神」，被「黃媒」壹傳媒捧得高高，更報道他眾籌演唱會的新聞。當時，阮民安聲稱會在9月30日之前公佈演出場地同日期，更一再聲稱「萬一book唔到場，100%會即時退票。」不過，直到上周他才在網民的狙擊下公佈於明年開騷，但究竟眾籌到多少錢則至今未有交代。「核爆都不割」的「黃絲」發現這位「男神」周身屎立即割席，不僅大批「黃絲」懷疑被「呃咗錢」，就連壹傳媒昨日都不斷追蹤其負面報道，聲稱「債主陸續出現」。
阮民安於9月6日稱，要眾籌舉行所謂「沒有國泰，還有民安2.0演唱會」，以「先買飛，再定場」的方式進行，聲稱「我同團隊決定先用十日（即由今晚午夜12時開始至到9月17日午夜12時止）去接受大家嘅登記同購票，再會用七日去點算同埋統計同決定演出場地，然後會喺9月30日之前公佈演出場地，同日期」、「演唱會會定喺10月、11月、12月呢三個月入面嘅其中一個星期五。」他更一再聲稱「萬一book唔到場，100%會即時退票。」
至今未公佈眾籌款項
10月底，開騷的時間仍然沒有確定，連有份幫他宣傳眾籌的壹傳媒都按捺不住，訪問阮民安幾時會安排退款，不過，他就又換了個說法，稱「形勢有啲複雜，怕一退款就預計唔到參與人數去搵場地。」有話：「我哋睇埋呢兩個星期，如果真係都冇場先再搞退飛」，更宣稱「??家完全冇人有呢個（退款）要求」。
阮民安在近來數月，一直以被所謂「政治打壓」無法找到場地為由推遲演出安排，直到12月20日他才不得不公佈將於明年1月18日開騷。不過，雖然演出時間已定下，他更聲稱要在騷同場搞「黃色市集」，要求各檔主自由將部分生意額捐出幫「手足」，但他至今都未公佈自己的眾籌總額，亦未交代多餘的捐款如何處理。但在開始眾籌時他就埋下一個耐人尋味的伏筆，聲稱會在場刊和鳴謝字幕中列出所有贊助人名或商戶名稱，不過就會因所謂「私隱問題」，不公開透露贊助金額。
可能是見到事有蹊蹺，早前一直力捧阮民安的壹傳媒都立即割席，先後報道阮民安「黃絲」前女友痛訴代他孭債50萬險自殺、物件被偷的訪問，昨日又繼續狙擊，特意標出「債主陸續出現」，不斷更新網友對其的質疑和回應。
網民：「黃絲」一樣有賤人
網民「好天真好傻」就質疑：「佢個網本身有叫人贊助佢開演唱會，而（𠵱）家delete咗呢個item，係咪代表唔會公開自己之前收咗幾多錢贊助，然後自己吞咗吽H」「枱底膠液」直言：「好可怕，都唔知道佢呃咗我哋啲錢去邊，仲有好多手足捐左成皮野（嘢）俾（畀）佢，又話開演唱會過咗數咁耐都唔見佢開，2020都嚟啦！」
「人彘」直言：「黃絲又點，無可否認，都一樣有賤嘅人，德不配位，況且仲係好大機會食人血饅頭嘅人。」同為「黃絲」的「初代網紅」邵子風近日亦一直在facebook狙擊阮民安稱，「叫你一句『手足』就真係『手足』？撐老千嘅人，你地（哋）對唔住每一個被佢害過嘅受害人！」
根據蘋果娛樂即時新聞報道，有網民在Tommy的fb留言，也有同時代化妝師追4千元欠債，Tommy回覆會立即跟進，有消息稱他還提出想用演唱會飛抵消欠債。