香港文匯報訊（記者 文森）泛暴派為咗搵錢不擇手段。有人揭發在昨日銅鑼灣的所謂「和你宵」年宵市場中，有人盜用他早前拍攝的照片出售牟利，呼籲市民抵制有關攤位。
網民「Ed Cu」在「香港風景攝影會」facebook專頁發帖指，他的朋友發現銅鑼灣「和你宵」內的B46「和你扔」攤位涉嫌盜用其拍攝的一張相片，並應網友要求上載自己所拍攝的相片證明事件屬實，批評該攤位在裁去其相片的水印後製成商品牟利，並呼籲網民抵制涉事攤位。
不過，黃絲不嬲都聲大夾惡。「黃盛康」留言稱：你肯定你當時得你一個人影嗎，仲有佢嗰張明顯黃過你報過嗰張又算唔算偷先，請問？」「Ed Cu」反駁：「咁未（咪）叫佢比（畀）張原圖睇下羅（囉）。我張圖就一早出左（咗），moment連焦距都可以一樣我就真係唔信，仲要又crop正水印個位羅（囉），偷圖tune少少色咋華（嘩）。」
「黃盛康」就繼續糾纏：「要搞清楚件事張圖係買定派先，免費派好似告唔入喎，冇利益收受。」「FaNny Chan」忍唔住出聲：「無利益都唔應該啦係咪呀？有無問過當事人架(㗎)？就算你話係義賣，都要得當時（事）人同意。唔係告唔入就等如（於）啱。」
其後，「Ed Cu」終轉述主辦方租舖方面回應稱該產品已下架，「已經唔係第一次被侵權，希望多d（啲）人明白尊重的重要性。」