當「自己友」猛咁破壞港鐵時，泛暴派公民黨深水埗區議會區議員劉家衡就一直冇理過深水埗有好多長者需要升降機，但當要發吓官威�H時候，佢就最識攞「長者」當擋箭牌。劉家衡噚日就喺facebook鬧港鐵未有重開深水埗地鐵站升降機(圖)，稱「對不良於行或攜帶行李的乘客造成嚴重不便」。請問劉議員，如果當初唔打爛部𨋢，係唔係根本唔會影響長者使用？相信劉議員都係真心關心長者，咁是否願意譴責暴力，同暴力割席呢？
劉家衡好「厚顏」咁親自落場到港鐵深水埗站「打卡」，扮出一副好關心民生、關愛長者�H模樣。佢喺facebook發帖，指責深水埗站B出口�H升降機，自去年10月起就一直封閉仍未重開，又話知道深水埗區有好多老人家，對不良於行或有大件行李�H乘客都嚴重不便。
造謠「拖延維修」是「政治任務」
佢又引述所謂「得到的最新口頭答覆」話「因為有多個鐵路站的設施被人破壞，而有其他鐵路站的維修比深水埗站更有急切需要」，跟住佢就攞「急切」二字大做文章，將人哋意思扭曲為「長者的出入安全不具急切性」，然後又造謠話「拖延維修」深水埗各項設施的是「政治任務」。
做戲做全套�H劉家衡聲稱，已去信列明對維修升降機的三大訴求，「令黨鐵知道，維修這部升降機，絕對有急切性！」
劉議員就講得啱，長者需要真係有急切性，但成個黑暴都持續超過半年，真以為一朝一夕修復得返？如果真係咁着緊街坊需要�H，點解呢半年唔阻止黑衣魔破壞行為呢？就算到𠵱家，你又有同暴力割席嗎？ ■香港文匯報記者 黃書蘭