■馬啟聰在fb帖文，揶揄事件簡直係「奸黃絲專呃蠢黃絲錢」。 馬啟聰fb截圖都話「黃絲」俾「黃絲」圈錢圈到無力反抗。《蘋果》日前報道有兩名「黃絲」大學生俾間就執笠嘅黃店呃，逆市以30萬元天價去頂間細茶飲店，事後仲要自我安慰話「其實又不完全是欺騙吧？他的配方也有價值。」「熱狗」馬啟聰喺facebook發文揶揄︰「成件事簡直係黃絲嘅完美寫照：奸黃絲專呃蠢黃絲錢，蠢黃絲被人呃咗錢後唔承認自己被人呃錢，仲要幫奸黃絲搵理由。結論：黃絲一係奸，一係蠢。 」
兩名「黃絲」大學生話，當時見間黃店要執笠，佢哋唔想香港少一間黃店，於是夾錢頂咗嚟做。30萬嘅逆市天價換嚟啲乜？根據《蘋果》講法，就係「壞的招牌、壞的雪櫃、破爛的收銀枱、壞掉的冰機」，但兩個俾人搵笨嘅「黃絲」大學生冇抱怨，仲話︰「我覺得算是經驗之一，總會被人欺騙一次。其實又不完全是欺騙吧？他的配方也有價值。」洋溢蠢得積極樂觀嘅氣氛。
馬啟聰就貼出單新聞話︰「簡單歸納，就係一間就嚟執都仲想呃錢嘅黃絲鋪（舖）頭搵到兩條水魚。呢兩條水魚明明俾人呃左（咗）30萬，但又唔想承認自己俾人呃咗，仲要諗埋理由向人解釋，上手個黃絲老闆都唔係完全呃×佢哋嘅。而兩條水魚都係黃絲。」
「Kevin Lee」就參透「黃色經濟圈」運作話︰「唔怕啦，咁樣出新聞，轉頭d（啲）黃屍（絲）又會一窩蜂去幫襯......一陣。然後佢兩個又會再轉手俾（畀）人。」
網民：做咩兼職可儲到30萬
「Chi Man Cmjohn Wong」就話，自己做咗10年全職先儲夠錢開舖，質疑兩名大學生做咩兼職儲到30萬元咁多，「我會諗到兼職搵到30萬嘅工種，只有『鴨仔』、倫敦金、紙黃金、炒賣股票，仲有乜野（嘢）可能可以搵到30萬？另外，希望真係『黄店』，香港人，大家心照......」 ■香港文匯報記者 甘瑜