■葉家寶、劉錫賢及魏秋樺派發口罩。香港文匯報訊（記者 梁靜儀）葉家寶與劉錫賢及魏秋樺等昨日代表影音使團創世電視，到觀塘向基層長者派發口罩及消毒用品。家寶表示已派發逾5萬個口罩，鑑於疫情持續嚴峻，若有善長捐贈，行動是不會停止，希望疫情快過。他又指近月有不少演藝界台前幕後因疫情問題所有工作要取消零收入，呼籲政府在新一輪抗疫基金中，可以幫到演藝界。
劉錫賢直言絕對有需要申請抗疫基金，並自爆已三個月零收入，現時靠食老本生活，還要每月花萬多元供樓，「救命鐘」已響起，他說：「層樓仲差兩年才供完，但若果再沒收入，都唔知點供，賣樓都未定，我已同細妹講，可能要佢幫手，最近連家用都畀唔到，晚晚返阿媽屋企黐餐，真係明白山窮水盡的感覺。」他又指現時正想辦法賺錢，有內地朋友想找他做網紅，主要代購健康產品回內地，希望能成事以解燃眉之急。
唐韋琪大半年蝕幾十萬
唐韋琪（Vikki）與16歲徒弟張若希，昨日一起灌錄抗疫歌《 與你同行》，為醫護及香港人打氣，錄音前兩人做足消毒工夫， 消毒咪套及耳機，確保在安全下進行錄音。
Vikki表示家姐、妹妹及妹夫也是醫護人員， 妹妹與妹夫更是前線醫護：「佢哋喺屯門醫院做，要輪班，都好大壓力，又有小朋友，所以都擔心，都傳短訊同佢哋打氣。今次我係有感而發，唔只因為我屋企人係醫護，醫護為今次疫情走上前線都好感動，我哋需要做好自己，要配合人哋。」
不少行業近期都受疫情影響，Vikki稱其開辦的才藝訓練中心亦有影響，自去年暴力示威開始，至今大半年，已蝕了幾十萬，她說：「現時零收入，我都有同業主傾減租，中心有兩層，上層減咗一半租，但下層就冇減租，每月只係租金就要四、五萬元，加上雜費，呢大半年已蝕咗幾十萬，唔知可以撐到幾時，但我會正能量去面對，希望捱出頭，自己係老師，唔會有困難就怨天怨地，相信事情一定會捱過去。」她又寄語學生不要放棄學習，可以學藝術減壓。