■胡渭康香港文匯報訊（記者 梁靜儀）今日是一代巨星張國榮（哥哥）逝世17周年的日子，由於新冠肺炎疫情嚴峻，所有悼念哥哥的活動亦取消，曾經跟哥哥同一唱片公司、視對方為「大哥哥」的胡渭康，就以歌聲來悼念故友。近日胡渭康應邀在一個以紀念哥哥的音樂節目中，自彈自唱哥哥的經典歌曲《追》。
胡渭康在上世紀八十年代出道就與哥哥同屬華星唱片公司，經常都會見面，談到對哥哥的印象，他有讚冇彈說：「哥哥個人好似好不覊，但工作好認真，有次佢睇完我喺節目唱歌，佢覺得我有一隻字可以唱得好啲，就打畀（我）叫我下次要留意，又教我點至可以唱歌時有型，感覺好好，記得當時唱片公司除咗有哥哥，仲有梅姐（梅艷芳）同呂方等好多勁人，哥哥同梅姐就好似大哥哥、大姐姐，好照顧我哋一班新人，（在他們身上有咩學到？）喺�哋身上最大得着係學到工作要認真，玩就要盡情去玩。」