搵錢嘅嘢，大有大做，細有細做嘅啫。食慣人血饅頭嘅「黃絲」，見到肥佬黎等人俾人拉，梗係即刻抓住呢個「商機」啦！一度公開自稱喺新屋嶺拘留期間受到警方「性暴力」，之後又急急縮沙改口博出位嘅中大畢業生吳傲雪（大話精），話說佢趁住肥佬黎被拉，日前急急腳喺facebook跳出嚟發帖，除咗又再抹黑警方執法，眼見壹傳媒股價離奇急升，竟然仲叫班炒壹傳媒股票賺錢嘅同路人捐錢落佢自己嘅銀行戶口。唔少網民見佢咁猴擒想食「血饅」，都鬧爆佢「食相真難看」，話「 炒股炒燶咗都唔益佢！」
提供銀行戶口號碼叫人捐錢
壹傳媒股價隨着肥佬黎被捕離奇急升，周二高位見1.96元，比日前低位0.075元升逾26倍，單日成交股數達40.86億股，令唔少網民都質疑同政治黑金有關。吳傲雪就把握時機，喺facebook以「黃色經濟圈」為題發帖話：「今日炒壹傳媒股票賺錢嘅同路人，不如考慮下（吓）繼承蘋果嘅撐學生精神，捐錢畀失業超過一年嘅手足，謝！無以為報！」並提供埋自己嘅銀行戶口號碼同PayCode（過數應用二維碼）。
網民：炒燶咗都唔益佢
唔少「黃絲」網民見到隻大話精咁猴擒，就忍唔住要出聲鬧佢。「Derek Pak Lun Ip」就話：「你就唔係食人血饅頭？哈！」「Keith Fong」就話：「好×過份（分）！」「Pei Daan Yip」話自己：「炒股炒燶咗都唔益佢！」「Lam Lam Yuen」亦話：「倒落海都唔益佢！」
有網民則「佩服」隻大話精咁厚顏，為乞錢乜都得。「James Wong」話：「條臭×仲夠薑出嚟，cls（黐×線），咩料！」「Erika Winter」就話：「乜而（𠵱）家連乞食都電子化！」「Ho Sum Cheung」直頭話隻大話精係：「電子乞兒！」
有網民就覺得隻大話精嘅邏輯反智，畢咗業都仲稱自己係學生，咁咪冇人唔係學生！「Gabrielucifer Lee」問：「畢咗業仲算唔算學生？」「葉慶輝」就講笑話：「睇學生証（證）失效日期。」「Eri Rei」就驚訝發現，照咁計自己都仲係學生：「咦！我仲係學生，學生證到2024先收×喎！」
「Louis Tam」就唔明隻大話精咁做，點解唔怕觸犯洗黑錢：「真係唔驚俾人捉洗黑錢嘅咩？大條道理喎呢啲！」「卓喬」就解釋：「唔俾人捉邊有得籌錢！」
俾人鬧到咁甘，個原帖已經唔見咗囉，但佢就唔多忿氣發另一個帖，話「一個二個都有病，自己有壓力搵我出氣，莫名其妙」喎。 ■香港文匯報記者 黃書蘭