■《蘋果日報》日前幫饅頭張做專訪，佢聲稱話自己「從來唔插其他『黃店』」。 fb截圖龍頭「黃店」龍門冰室（人血龍門）過去一年醜聞多多，老闆張俊傑（饅頭張）俾前伙計指控刻薄、呃「手足」錢、中飽私囊、背住二奶溝女「手足」，衰嘢一籮籮外，早前仲喺香港國安法生效前夕，突然喺facebook宣布同「黃色經濟圈」割席，令唔少「手足」都覺得饅頭張??完鬆。不過，《蘋果日報》日前就幫饅頭張做咗個專訪，饅頭張一副豁達口脗講到自己笑罵由人，仲話自己「從來唔插其他『黃店』」。不過，唔少網民都提出佢嘅罪證，仲鬧埋《蘋果》做法核突（𠻹）。
饅頭張去年底建立所謂「香港人嘅冰室資源分享中心」，以中心名義舉辦多項活動籌款，稱要建立所謂支援被捕抗爭者（黑暴）嘅基金，不過，其後同多個「手足」、「家長」、義工及前職員就錢銀問題爭執，又俾人揭發佢將同路人送畀「手足」嘅聖誕卡當垃圾，唔少人同佢合作完都不歡而散。
睇完饅頭張嘅所謂「絕地反擊」，唔少網民話佢根本無法反擊，唔敢接受對質，靠《蘋果》都冇用。成日追擊龍門嘅「Anita Wong」就話：「你真係咁支持饅頭張，就快啲支持吤X嚟同所有指控佢嘅人當面對質......我係企響手足、義工、家長同義務導師嗰邊嘅！」佢質疑人血龍門係咪偽黃，話饅頭張冇就「7．21」同「8．31」等事件表態，仲話唔係「不分化」就要盲撐：「饅頭張同黃圈割蓆（席）就冇問題，其他小人物就唔割得蓆（席）？」
唔鬧其他「黃店」？俾網民踢爆
「Anita Wong 」仲鬧埋《蘋果》報道唔全面，問對方幾時先肯訪問埋指控饅頭張嘅「手足」同義務導師，還公眾知情權，而唔係俾饅頭張利用嚟做公關。
唔少網民就奉勸饅頭張，想漂白就應該約埋指控佢嘅事主對質，想靠《蘋果》或者叫句「不分化」係冇用。「Cherry Pg」問：「點解唔搵其他『手足』一齊對質？咁可洗清白囉，『不分化』唔係咁用！」「Jen Jen」都話：「 一句不分化就百毒不侵......咁多前員工、家長、導師叫佢出黎（嚟）對質都吾（唔）敢，我食其他『黃店』算了！」
至於饅頭張係咪從來唔鬧其他「黃店」呢？另一間「黃店」「一起果醬」日前就出post，話自己曾經俾「龍×老板張生」打電口話用粗口鬧咗成個鐘，原因係「一起果醬」請咗龍門兩個離職員工。所以《蘋果》訪問個內容啦喎，信唔信就真係要靠大家用智慧分辨啦！
其他網民睇完篇訪問，心中都淨係記得龍門有幾咁難食，但有啲網民最不滿就係龍門冇道德。「Wong Tommy」就話：「 野（嘢）食難食我都食得落，但啖氣好難吞......好唔好食唔緊要，最緊要有情有義。」「Chan Billy」揶揄：「背住二奶，溝女『手足』，果然係有情！」「Kof Xiv」就叫：「龍門等執笠！」
■香港文匯報記者 黃書蘭