■「Lunch仔」煽動一人一信幫佢向停佢課嘅學校施壓。 fb截圖「Lunch仔」唔單只10月1日同「手足」唔同步調，仲要喺嗰日發帖要大家一人一信幫佢向停佢課嘅學校施壓，「同路人」真係睬佢都有味，叫佢「唔該唔好當自己明星啦，響度消費『手足』」。
10月1日一班「手足」俾人拉嘅時候，唔「和你上街」之餘，「Lunch仔」仲厚面皮向大家求助，事緣佢間學校因佢組織參與政治活動，擔心佢有墮入法網嘅風險，佢又成日着校服參與示威，令人誤以為佢代表校方立場，多番教育但佢繼續違反校規，學校於是勒令佢停課反思己過，做返中學生求學時期嘅本分。不過佢就擺明冇反思，喺10月1號都仲再出帖文，要啲人一人一信去佢就讀嘅學校，向學校施壓撤回對佢嘅懲罰。
不過大家就唔想幫佢。「Egg Waffles Chen」話︰「同學，唔係唔幫你，......如果佢今次唔處分你，校方即係有立場偏頗，真心講句，你真係唔應該着校服去抗爭架（㗎）......乖乖地（哋），啃咗吽C」「David Wong」就寸佢：「唔該唔好當自己明星啦，響（喺）度消費『手足』。搵一次唔好響（喺）傳媒記者鏡頭底下走出嚟『抗爭』，或者會有人認同你嘅，成×日搞埋啲個人崇拜主義。」
■香港文匯報記者 鄭治祖