「黃店」經常向「手足」告急，唔少無腦黃絲不斷進貢，加上收埋收埋幾多又唔使向「金主」交代，唔怪得有「黃店」老細們叫人做義工，自己就猛加人工，仲要大咬到月薪十萬咁狼啦！自稱「良心」網購平台嘅「光時」近日就爆出肥上瘦下嘅醜聞，原來有位代號P、出任其中一個部門主管嘅「光時」義工，喺被舊公司炒魷後要求「光時」開十萬月薪請佢做全職，更得到其他幾個同流合污嘅部門主管嘅支持。最大問題係，佢肥自己之餘仲要刻薄「手足」，令唔少「手足」冇工開又冇得接受培訓。唔少網民鬧爆「光時」食人血饅頭，睇嚟壓榨「同路人」嚟賺錢，已經成為大家對「黃圈」嘅刻板印象。■香港文匯報記者 雨航
爆料人喺「連登」開post話要「俾（畀）大家睇一睇『光時』內部到底有幾黑暗」，話說P、K、O、B呢4人一直以義工身份幫「光時」管理唔同部門，直至今年3月P同K就要求轉為受薪員工，點知P一嚟就索價十萬，咁B就要求P提供履歷，睇吓P究竟值唔值十萬人工，點知其他3人竟然反對，最後激到B離開「光時」。
爆料人續稱，P上一份工嘅月薪只得四五萬，而且佢喺「光時」做義工嗰陣已被舊公司炒魷，??家轉入「光時」攞多一倍人工真係好唔合理，而且P更為咗盤數，成日迫做貨倉嗰班兼職「手足」提早打卡，再慢慢cut更cut到啲「手足」捱唔住嗰雞碎咁多嘅人工而走晒。
拒幫「手足」辦手續提早出獄
爆料人其後愈講愈嬲，話早前有位因「旺暴」入獄嘅「手足」，希望「光時」可以協助佢申請釋前就業計劃，等佢可以早半年出獄，點知P對呢件事不問不聞，搞到事件不了了之。
爆料人批評，「光時」近日開始叫人捐錢，似乎有心搶「612人道支援基金」同「星火同盟」嘅「水源」，懷疑「光時」已經被錢遮眼，違背咗唔靠捐款養活「手足」嘅初衷，佢最後仲叫大家唔好再幫襯「光時」??：「佢地（哋）點解可以霸佔黃圈資源，出高薪俾（畀）自己呢！」
網民批食「血饅」促公開數簿
「Haul-away」睇完即刻響應罷買：「十萬一個月？仲叫我點幫襯得落，同食人血漫（饅）頭有咩分別？」「AQUALABEL」就話：「希望篇野（嘢）係假。我個個月都課金落去幫『手足』，睇黎（嚟）要停了。」「半田悠人」就話：「當初又話會公開成條數，到今時今日都未見到。」「金蝶萬歲」就更直接：「叫佢公開數簿，呢幾個月收幾錢人工！」
盲粉照撐反質疑「同道」抹黑
不過，政見行先、是非冇件事係黃絲嘅特徵。有人更試圖轉移視線，將「不合理咁高薪」spin做「冇理由叫人打工唔食飯」咁講。「愛爾蘭共和軍」更覺得咁樣「好平常」：「鄺神（鄺俊宇）都十皮一個月，有乜問題？」「lebron」就稱：「又想分化？『手足』都要開飯，不完美可改善！」「Ohmyholygod」亦質疑：「樓主叫人罷買『光時』幫襯其他舖頭，其實你係咪第二啲『黃店』嘅打手嚟咋！」