香港文匯報訊（記者 文森）不少巿民雖然認為食肆晚上禁堂食會為一些巿民帶來不便，但認為在疫情愈趨嚴峻下加強規管措施合理，指愈少群體聚集，感染風險愈低，有市民更指已習慣使用外賣軟件，認為禁令「冇乜影響」；而市民亦普遍希望政府為食肆員工提供檢測服務，必要時甚至應強制檢測。
市民黃先生表示只在周末與家人外出用膳，故禁令對他影響不大，明日（周六）晚上會改為買外賣或回家煮食。他亦認為食肆禁堂食措施合理：「大家加油，長痛不如短痛，過咗呢一波爆發先再諗聚餐。」
另一巿民張小姐更直言對禁令沒太大感覺，支持實施「加辣」措施，並表示自己已習慣叫外賣：「𠵱家啲外賣Apps又多又方便，而且好多外賣都比堂食平，我相信後生一輩甚至中老年人都慣咗叫外賣，堂食似乎唔係必須。」
此外，市民亦普遍希望政府為食肆廚師及其他職工提供檢測，必要時甚至應強制檢測，其中梁太表示煮食時病毒雖被高溫消滅，但廚師和服務員都有機會接觸食物，倘帶有病毒仍有機會感染食客，認為如檢測證明陰性會令食客安心：「我哋去茶樓，有陣時叫燒臘都會怕㗎，因為好多時燒臘都係煮熟咗�咗喺度，個廚師就咁切完就上菜。」
不過，亦有市民對禁堂食持反對意見，廖伯指自己和妻子每晚都到酒樓用膳，禁令帶來很大不便：「太太行動唔係咁方便，我又唔係好識煮飯，無得去酒樓食真係好唔方便。」他續說，上次禁晚上堂食已令他和妻子吵架，希望今次禁令盡快結束：「都就嚟過冬，睇嚟都無辦法一家人開開心心食餐飯。」
陳伯也不滿禁令，表示自己和很多長者每日唯一樂趣就是到酒樓叫個小菜，與妻子或朋友用膳聊天，且禁令對食肆打擊很大：「同啲酒樓侍應都好熟，我聽到佢哋都減晒人工，有啲甚至被裁員，我都覺得好唔開心。」