●佐敦「受限區域」日前完成封區，昨日人流增多。 香港文匯報記者 攝香港文匯報訊（記者 文森）特區政府上周末首次實施禁足令，圍封佐敦「受限區域」，行動在兩天內完成，區內商戶和市民雖然受到影響，但封區強檢措施已見成效，區內有商販表示現時人流較封區前增加了一成，生意額亦有上升，認為大家住得安心、買得安心，認為少了兩天營業額也值得。不少街坊亦認為「長痛不如短痛」，但擔心「逃走」了的200多人或有隱形病患，返回區內會令小區再度爆疫，呼籲他們盡快自行進行病毒檢測。
油麻地街市屬早前佐敦「受限區域」要圍封的範圍，當地一名水果商販接受香港文匯報訪問時表示，「封區」一定影響到生意：「嗰兩日生意額係零，仲要掉咗四分之一嘅水果，影響都唔細。」
不過，她直言現時人流和生意額都已經返嚟，較封區前增加了約一成：「雖然都係未追得返嗰兩天嘅損失，但長遠啲睇，（封區）係好事，好過日日都有幾十宗，停唔到，最後啲人都唔安心，唔敢出街啦！」
居於「受限區域」內的居民李婆婆則表示，日前封區對她影響不大，並認為是好事：「我年紀大，如果染到真係好危險，未封區前我日日睇新聞都擔驚受怕，唔太敢出街；封完區，我安心好多，今日可以去公園行吓。」
不過，她指其所住的唐樓，同層有人在封區前離開，擔心若是隱形確診者，若返回區內，會令該區再度出現爆疫：「唔會話怪佢哋，可能佢哋真係要返工，怕困住喺度，但會好擔心！」李婆婆希望所有「逃走者」盡快自行檢測。
另一居民黃先生則認為，政府封區兩天有不錯的支援，「之前有啲消息講到好大件事咁，本來都會好驚會斷水斷糧，但政府做得唔錯，都有照顧到。」
他續說，封區有助找出隱形患者，而政府獲取經驗後，封區能力將愈來愈成熟，呼籲市民不要害怕：「你睇油麻地一天做完。」