移民並唔係「黃絲」KOL口中講得咁簡單，仲要考慮好多當地因素，否則一步錯就後悔一生。《蘋果日報》日前報道一名去年裸辭香港政府工，轉投去英國搵工嘅27歲港人Jonas，內文講到佢喺當地生活嘅艱難，搵工非常唔容易仲俾人排擠等，令網民見到所謂「移民光環」背後嘅黑暗，並紛紛揶揄英國真係「好民主自由」喎。
報道寫到，Jonas本身喺職訓局工作，收入不俗且穩定，但突然就想出去闖一闖，於是決定裸辭到英國。點知，由於疫情問題，佢喺英國難搵工，更失業逾3個月，話因為不停使錢又冇收入，佢個心都好怯，後來得到朋友轉介去大型華人食品公司做銷售助理先好返啲。惟佢又俾人篤背脊，搞到佢轉職去新餐廳。不過，佢喺嘅新餐廳請廚房助理時，一日竟然收到五六十個香港人申請，大部分學歷都比佢高，「碩士博士都有，好多曾經係大公司高層，但??家應徵呢份最低工資嘅工作。」可見，好多港人喺英國都處境艱難，即使高學歷都冇工開。
網民譏真係好民主自由
面對Jonas嘅個案，好多網民都揶揄所謂「移民光環」其實冇想像中咁好。「杜子騰」揶揄：「華人排斥？英人又係排斥埋唔到堆？真係好民主自由。」「Chung Peter」譏諷「黃絲」：「香港就做大爺，唔肯捱，喺英國做牛馬，香港人精神，抵讚。」「Alan Tam」質疑道：「所謂人才都要借宿，做足廿年都吾（唔）夠條件5+1拉（啦）。」「Ling Ling Lam」勸「黃絲」諗清楚係咪要去英國做「下等人」：「但係我諗班年輕人吳（唔）係想要呢啲囉。」 ●香港文匯報記者 郭家好