唔少攬炒派區議員平日做埋唔少衰嘢，面對即將推出嘅區議員宣誓安排當然立即驚到冇鞋挽屐走。咁又難怪嘅，因為區議員如果喺宣誓之後違誓，除咗可能被取消議員資格外，亦可能負上刑責，所以佢哋都紛紛「辭職保平安」。最新一位就係白鴿黨中西區區議員吳兆康，佢噚日喺facebook發帖話：「我辭任中西區區議員，5月起生效。」
曾夥許智峯威嚇民政處人員
吳兆康與早已着草嘅前黨友許智峯，被傳媒稱為民主黨「中區孖寶」。佢哋近年喺區議會肆意濫權，甚至威嚇民政事務處嘅工作人員，曾經都「好不威風」。
好似嚿年成班攬炒派區議員詆毀警方，喺中西區區議會成立所謂「政制及保安事務委員會」，就畀民政處指違反區議會條例，拒絕向佢哋提供場地及秘書服務。點知吳兆康就同許智峯拉隊去民政處叫囂，要求民政專員同秘書處「立即」去開會。
特區政府當時發聲明批評，吳兆康嘅行為令同事深感不安，「政府對相關粗暴無理的行徑表示遺憾，並保留法律追究權利。」
中西區區議會前副主席、「議會監察」召集人陳學鋒當時就狠批吳兆康成班人嘅行為等同「黑社會」，唔啱吨葽N就攬炒破壞，根本唔會為社區、市民做事。
●香港文匯報記者 黃書蘭