●台灣《蘋果日報》紙本18日起停刊。fb截圖台灣《蘋果日報》噚日向讀者致公開信，聲稱因為營運上虧損持續，喺「非常不得已」嘅情況下，壹傳媒集團決定台灣《蘋果日報》紙本由本月18日起停刊，並會遣散三百多人，以集中資源發展《蘋果新聞網》喎。面對呢個消息，好多網民都表示熱烈地彈琴、熱烈地唱，更直言《蘋果》一早就應該執啦，有網民更希望香港嘅《蘋果》快啲執，問「香港（《蘋果》）會唔會齊上齊落？」
據該公開信內容稱，網絡發展徹底改變讀者嘅嬝玨葴D，而香港政治局勢嘅「加速惡化」「民主蒙塵」，新聞自由「遭受全面打壓」，然後標榜創辦人黎智英「為追求民主，卻因言論獲罪」，更抹黑「親中勢力封殺各種廣告資源，使香港《蘋果日報》營運萬分艱辛」。面對無法挽回嘅頹勢，台灣《蘋果》宣布18日起紙本停刊，將所有資源專注喺數位。
兜咗咁大圈，以為啲人會對佢哋依依不捨？事實上，好多台灣網民都表示熱烈歡迎。「Kershaw Huang」認為《蘋果》成日亂報新聞一早就應該執：「早該停了，都在亂爆。」「Yip Tony」認為係「樹倒猢猻散」。「陳一鳴」則揶揄：「那我家吃飯拿什麼鋪桌子？」
有網民追住問香港嘅《蘋果》幾時執。「Kevin Leung」就問：「點解唔係停香港而係停台灣？」「Gary Lo」直言：「希望香港毒果跟住摺埋。」「Boe Ho」亦揶揄道：「香港會唔會齊上齊落？」 ●香港文匯報記者 鄭治祖