纏上三角關係 郭力行獻初吻

放大圖片

　■郭力行與呂晶晶拍攝《來世今生》MV「咀」不停 。

　【本報訊】（記者 寧寧）歌手郭力行六月發行第三張個人大碟，早前為全新創作的合唱國語歌曲《來世今生》拍攝MV，找來亞姐冠軍呂晶晶合唱兼擔任MV女主角，又找來好友徐自賢飾演第三者，一個女同性戀者。

　由於故事講述呂晶晶與郭力行是一對戀人，但呂晶晶卻有同性戀人暗戀，三方關係糾纏不清，最後郭力行終獲呂晶晶獻上情深一吻，所以拍攝MV時難免要「咀咀」，郭力行笑言：「今次係我熒幕上的初吻，都有少許緊張，加上朝早八時已開始拍攝，一拍拍足十二小時，疲累不堪，仲到夜晚先拍『咀戲』，所以大家都無刷牙，仲要就角度『錫』足六次，好在都係點到即止。」 講到對呂晶晶的感覺，郭力行坦言她是個漂亮女生，必然令許多人拜倒石榴裙下，笑說：「晶晶係好開朗的女仔，成日笑，同埋傻傻地，呢種女仔好可愛，簡簡單單！」