|
李自明
香港已經進入雨季，天文台更接連兩次發出「黑色暴雨」警告，可說是「水滿為患」，但香港政壇卻因議會「菍暑」而即將進入「旱季」，部分反對派政客也加快在各議題上的「抽水」速度，其中衝在最前的當數公文袋的大狀，屢借近年新興的環保議題「抽個不亦樂乎」。有政壇老友向自明講起這個「抽水大狀黨」，就好勞氣地說，「抽水」固然是政壇「常餐」，好多反對派政客都會做，「但好似公文袋左右逢源地抽水，又抽得咁義無反顧、毫無道理可言的，都算係香港政壇一奇葩」。
停車熄匙立法 顯兩面派本色
公文袋的最新「抽水」力作，要數在停車熄匙立法過程中的多次轉軚，以遂其「抽水」的目的：公文袋一向以環保政黨自居，也是力爭要求盡快落實停車熄匙立法的政黨，但原來政治真的沒有「永遠的朋友」，在上月初有小巴司機因停車熄匙熱暈而不治後，公文袋轉向快過打針，由幾個月前還信誓旦旦地說希望法案盡快生效的黨魁阿豬余，即時稱該黨對法案「有保留」，又挾著環境局局長邱騰華陪她做場「焗桑拿騷」，去坐「乾蒸」的士，「由綠色政黨忽然變身做基層黨，真係神又係佢，鬼又係佢！」
政壇老友在電視中看到，邱局長同阿豬余齊齊搭高溫的士，已心知今次公文袋「抽水」成功，還笑其他慢一步的議員只能「望余興嘆」，但再睇到她落車接受訪問，結果只是說「理解職業司機輪候的情況」，期望「立法會能盡快達成共識」，就「火都嚟」：「佢都抽水抽得好醒目，唔夠膽繼續講支持停車熄匙，但又唔敢講唔支持，所以就猛打官腔，講埋啲講完都完全唔知佢咩嘅立場，一來唔使得罪班綠色團體老友，但効畫面上又展現到自己很關注呢個民生問題，都算係抽水抽到出神入化！」
以爭曝光為本 變臉快過打針
他坦言，從數年前的中環填海工程爭議，再到年初的高鐵菜園村事件中，其實已看到公文袋一再熟練地扮演「神、鬼」兩面派角色，其左右逢源的「抽水功」玩得如何出神入化：在菜園村事件中，公文袋先是借其「分身組織」忽然插手菜園村，借環保為名「抽水」，挾持村內部分居民作籌碼，阻撓高鐵上馬，一旦特區政府提出「天價」賠償並獲得大部分村民接受後，阿豬余卻又反口「抽水」，轟政府做法是「開了壞先例」。政壇老友一講起呢件事就無名火起，說：「成個政壇都知公文袋班大狀係『兩面派』，班幫手協調的鄉紳就被佢哋玩到殘晒。」
「抽水哥」、「抽水姐」在香港政壇屢見不鮮，惟政客「抽水」時都要符合自己的基本政策立場，但公文袋的政策立場卻可以一日三變，「話變就變，快過川劇變臉」，像公文袋一樣頻頻「轉軚」來「抽水」的賤招，就令人嘆為觀止，「佢哋根本係以『抽水』為政策目標，所以啲政策立場咪無所謂囉，凡係有利於佢哋爭取曝光、攞到選民支持嘅立場，都係佢哋的立場。換言之，政府出『一』，佢就係都要『一』以外嘅選擇，到搞出事，佢哋都可以面不改容，以一些似是而非的歪論掩飾佢哋轉軚的事實，仲可以講得理『曲』但氣壯，鴨子死了就剩下嘴硬，真係佢哋玩晒！」
|
