小齊任小鳳姐嘉賓放笑彈

放大圖片

■小齊獻花給小鳳姐（左），見到鵬哥（右）他也忍不住大笑。

香港文匯報訊（記者 梁靜儀）徐小鳳(小鳳姐)第四晚紅館個唱請來任賢齊(小齊) 擔任嘉賓，與盧海鵬大放笑彈，小齊更叫鵬哥試咪。小齊上台後本來想擁抱小鳳姐，但因小鳳姐裙尾太長埋不到身，小鳳姐就笑對小齊說：「你可以踩我條尾，踩上我條裙到！第二個踩就唔得，你一定得。」之後小鳳姐又叫小齊講廣東話。小齊自爆講廣東話經常話，他笑說：「我每次同人講，大家好，我係任人砌，都只係聽到那些人狂笑。」小鳳姐就扮小齊用唔鹹唔淡的廣東話回敬人：「哎也，任人砌，謝謝你今晚上來鋪床(捧場)。 」引來全場大笑。之後小齊又帶領全場大合唱《浪子心聲》、《對面的女孩看過來》，最後二人合唱一曲《浪子心聲》，全紅館更是萬人齊伴唱，氣氛高脹。

安歌部分出場的鵬哥，被小鳳姐大讚他愈來愈靚，身材一晚比一晚勁。鵬哥就答她因自己發育遲。說罷邊自摸個胸邊搞笑說：「昨晚就死實實，今晚就鬆鬆咁。」扮了小鳳姐多年的鵬哥又衷心表示真的不捨得不扮，由其演唱會就更加要扮。

之後小齊手拿鮮花代表鵬哥送給小鳳姐，當見到鵬哥時他就忍不住大笑說：「嘩，你個波好大粒。」又表示江湖傳聞盧海鵬試咪是件不得了的事，話盧海鵬試咪全部人要暈低，我未聽過，究竟係點？鵬哥聞言也忍不住狂笑回應：「嘩，你唔係�鬗p鳳姐個騷夠膽叫我搞這些呀？」最後小齊講了上聯 「盧海鵬試咪」，鵬哥竟將下聯改為「徐小鳳最威！」全場觀眾大笑及拍爛手掌。