|
孫浩浩
最近特別留意同事在Facebook上的留言，每一句、每一字都會細心咀嚼。
其中一位同事有這樣的留言：「我有啲好奇怪的同事同朋友，佢哋喺半年內畀人炒兩次，仲要係同一間公司......我同佢哋講」你哋幾型咕喎！畀人炒咗一次，又要再返嚟畀人炒多次」，跟住我得到的答案是「你理得我丫，我鍾意呀！」其他人可能會覺得......他們傻的嗎？但係我覺得......因為你哋係有理想同有夢想的人，所以才會有這奇遇！才會對自己又被炒而感到驕傲！
四月十一日香港電視再次向通訊事務管理局提交有關本地免費電視節目服務牌照的申請，並同時宣布為精簡規模，裁減二百零七名員工。這是繼去年十月之後第二次裁員，有部分同事在半年內被炒兩次，不過同事之間依舊沒有半句怨言。
另一位同事也在臉書上留言：「如果時光可以倒轉，你會如何選擇？還是一樣癡癡傻傻的勇往直前嗎？應該還是會的......
其他人回應：
「雖然結果唔係我預期嘅，但係不枉此生曾經加入香港電視。喺呢度得到嘅，比失去嘅多，更令我真真正正明白咩係夢想。
「肯定會，我覺得我有幸參與過，無論結果如何都無悔，老時仲可以同啲孫講，我有份參與過，呢兩年嘅開心、辛苦，我都會記住。
有另一位同事轉載了其丈夫在臉書上的留言：
「跟着你，係因為你嘅理念，是香港人期待已久的，但因為未獲牌照，令你作出一個決定，OK明白，大家都只是流下不捨得的眼淚，無半丁點嘅埋怨。
好！再因你嘅號召，大家都放下剛找到嘅工作，即使被人事部問到，如果返去後，開不到台，你點算好？但唔諗了，回去先算。又開心了幾個月，今天，你又要人走，另一邊再申請牌照。
王生，如果今次有牌畀你，你又叫人回巢，返唔返好呀？但開台前又有阻滯，你會唔會又叫人走呀？
主人翁唔係我，係我家人，佢對你嘅理想充滿希望，所以我無阻止佢第一次回巢，今次佢又被選中了，走，無問題，但如果你又再一次吹雞，佢......返唔返去好？但......我唔想佢喺同一間公司裡面被炒三次......
有另一位同事我並不直接認識她，但她的母親則是我臉書上的朋友，她的女兒剛入職港視只有幾個月，最近在臉書上看到她的媽媽有這樣的留言：
「我個女畢業後嘅夢想就係入到香港電視做後製(後期製作)，佢話真係好開心！同事對佢都好好！以前佢每日放工都會同我講公司發生嘅趣事，今日佢見到邊個明星等等，但近來就一粒聲都無！佢好唔捨得離開呢間公司！之前interview 過嘅公司知道HKTV唔發牌後都搵過佢兩次，人工仲比HKTV高三千港元，但係佢話想幫公司做完所有網頁和後製工作先離開，睇嚟坒u係超喜歡呢間公司！鍾意到唔講得笑的程度！」
這些被裁的同事入職的時間都不長，頂多只是一至兩年，甚至只得幾個月，卻接連被裁，但不單止他們無怨無悔，就連他們的家人也沒有因此而咒罵公司。相比之下，有助導在電視台任職七個月之後就主動辭職，然後還要出書大爆電視台黑幕，數臭機構的高層，何解會有這天淵之別？
|
