|
■回應是否於「佔中」前後收過「民主發展網絡」15張支票、共約78萬元款項
記者：可唔可以交代番，最近有報道話你收過「民主發展網絡」15張、合共約78萬嘅支票？
戴耀廷：我諗喺（「佔中」核數）報告入面，會睇到晒所有我哋（「佔中」）收入源頭。
記者：其實可唔可以講清楚，你有無收過嗰15張支票？如果有，呢筆款項有咩用途？
戴耀廷：我諗......我個人無收過支票，無收過支票......如果要捐錢畀我哋，都係透過捐款戶口，同埋「民主發展網絡」（戶口），咁我個人就無收到（15張支票）。
■回應「借殼籌款」
記者：之前你哋（「佔中」）成立唔到有限公司，因為被當局指搞不合法活動，所以就借咗「民主發展網路」戶口去籌款，但借「民網」戶口去幫「佔中」籌錢，係咪違法行為？
戴耀廷：其實呢個（借殼籌款）喺法律上係信託關係，佢（「民網」）係作為一個信託人，信託同管理「和平佔中」嘅捐款。
■回應何時公開「佔中」賬目及核數師報告
記者：「佔中」幾時先公開籌款開支、賬目報告？
戴耀廷：做緊㗎喇，我哋嗰個賬目做緊㗎喇，𠵱家有個核數師睇緊、整緊條數，會公開㗎喇。
記者：究竟幾時會公開報告？可唔可以畀個明確嘅日期？
戴耀廷：我都要問吓核數師先知。唔好意思，我趕住仲有下一場（活動），唔好意思，我要走喇。
記者：你太太有無將10萬元港幣存入「民網」戶口？知唔知大額捐款人嘅身份、國籍？
戴耀廷：（未有回應，急步離開）
資料來源：根據戴耀廷本月15日於城大出席論壇後，回應本報記者追問時的錄音整理
製表：香港文匯報記者 鄭治祖
|
