香港文匯報訊（記者 植毅儀 澳門直擊）「視后」田蕊妮（阿田）、蕭正楠（Edwin） 、陳凱琳及阮兆祥等昨日前赴澳門宣傳無綫新劇《巨輪II》。阿田直言拍此劇相當辛苦，其中一場公海游水戲更令她難忘，提到陳凱琳今次演奸角發揮較大，阿田不怕被對方搶戲，認為「佢角色唔啱我做，我角色又唔啱夆窗C」
田蕊妮、蕭正楠及阮兆祥等率領一眾同劇演員，於澳門大三巴沿路向途人派發花生糖，當中以Edwin最受歡迎，他不斷被大批女粉絲輪流集郵。其後他們走入餅店玩遊戲，同場抱恙現身的陳凱琳亦落力玩遊戲，但最後由蕭正楠組勝出。
阿田於受訪時直言拍此劇相當辛苦，尤其對一幕公海游水戲相當難忘，皆因她深怕拍攝時成為鯊魚「大餐」。阿田說：「一去到公海個劇務就暈船浪，替身一落水就舉手嗌救命，於是我由早上9點游到下午4點，好大浪，口同鼻入晒水，我亦飲咗好多海水。船家話平時冇人會出公海游水，我就問佢有冇鯊魚？佢答我『當然會有！』於是我愈拍愈驚！」
阿田不認是「美魔女」
阿田表示完成此戲份後自己雙手似練「鐵沙掌」，曬至兩截色，但都冇告知老公。她又透露於劇中被盧宛茵「摑到嘔」：「我畀佢狠摑咗兩日，因為第一日早上拍完外景接廠景，佢摑我摑到嘔，我仲嘔了4次，因為我出完外景中暑加腸胃炎而嘔。但戲份未拍完，第二天繼續畀佢摑。（陳凱琳演奸角發揮較大會否怕被對方搶戲？）我戲份都係差唔多。（唔怕被陳凱琳搶戲？）唔驚，佢角色唔啱我做，我角色又唔啱夆窗C就算我似佢咁後生都做唔到佢角色，佢係好吸引人的「魔女」。（你係咩女？）我係『中女』，角色好寫實，女性去到中年要面對好多問題！」
蕭正楠床戲點到即止
蕭正楠被問到劇集預告中與陳凱琳上演激烈床戲，他笑言預告片已收錄全部床戲場口：「又唔係真係好多場，但我比較少拍親熱戲。」蕭正楠被問到有否向女友黃翠如備案？他即酸溜溜地笑指女友亦與黃宗澤（Bosco）等人拍親熱戲：「唔使啦，佢同Bosco都有拍，我都依然記得。佢又同Tony（洪永城）演兩夫妻。我們有共識，點到即止，唔需要投訴。但會選擇性地逃避觀看黃翠如的親熱戲。」Edwin又表示希望收視好，因為套劇去日本冲繩拍，好多靚人靚景。
至於和阿田在劇中再續前緣的阮兆祥表示角色挑戰很大，因為劇中自己會遇上一些事而失蹤，再出現時恍如變了另一個人，祥仔說：「同阿田好快撻着，夫妻戲好自然。劇中我失蹤後再出現變成殘疾，似另一個人，好有難度，似一人分演兩角。阿田有給建設性提議。（兩套劇都有你份？）兩個角色好大分別，觀眾應該分得開。」
