■李政熙批評林慧思「卵巢閉塞頂住個腦」。fb截圖「東九龍社區關注組」發言人陳澤滔日前相約「愛港之聲」主席高達斌燒烤，諗住可以在選舉後來一個電視劇式的大團圓結局，點知辣着其他激進「本土派」中人，尤其是開口埋口「勿通匪類」的「熱狗」（「熱血公民」），變成新一輪網上罵戰的開始。曾為陳站台、當晚有意赴會的「粗口老師」林慧思就狠批「熱狗」，更自認是「勇武」始祖，稱未見過「熱狗」夠膽當面辱罵警察。多個「熱狗」即時圍攻，李政熙就批評她「卵巢閉塞頂住個腦」；「水媽」張耀心則多次「回帶」展示「熱狗」辱警的「豐功偉績」。其實，鬥爛仔，有咩咁光彩？
嘲無膽罵警 唔敢郁自己
未知是否更年期心火盛，林慧思近期特別鍾意狙擊曾經聲援過她的「熱狗」，燒烤當晚除了在facebook交代不赴會，「因為高達斌跟我林慧思有旺角街頭仇恨，我係驚我真係會打鑊高達斌」，更不忘抽「熱狗」水：「講明先，我依然超級支持『本土』/『港獨』派，唔再支持『熱普城』係因為佢哋唔係『本土』/『港獨』派囉！無一忽似！！佢哋似宇宙唯一齋講『勇武』派！」她更自誇「講『勇武』好明顯我係第一個做先」，未見過「熱普城」夠膽當面鬧警察。
陳澤滔前晚開始被「熱狗」等「本土派」同道圍剿，其中「Cow Lui」就揚言要打陳，「BBQ（燒烤）場合唔可以打高達（高達斌），因為唔係佢自己嚟，係陳澤滔叫佢嚟，要打就打陳澤滔。」林慧思反擊「『熱狗』就是黑社會」，質疑即使陳澤滔「請錯」高達斌，也不用對他施酷刑，更向「熱狗」下戰書：「『熱狗』好鐘（鍾）意cap圖（截圖）寫臭人，我都要學下（吓）佢哋，我任cap嘅！我睇你『熱狗』有幾人多細（勢）眾囉！驚『熱狗』？收檔啦！佢哋成班夠膽明刀明槍打鑊我至算。根本就係無膽匪類一大堆！」
各「熱狗」接下戰書反擊。其中，最後被「傻根」陳云根（陳雲）棄用、沒有隨他出選新界東的李政熙，雖然墨水欠奉，但就極盡露骨之能事：「我×差佬嗰時？我驚你（林慧思）連月經都仲未有呀！好屈唔屈，屈『熱狗』冇×差佬？你係咪卵巢閉塞頂住咗個腦呀！臭×！」
與「熱狗」鬥認「勇武」始祖
「水媽」張耀心就多次「回帶」，上載「熱狗」狠批警方的片段展示「功績」，「『熱血公民』唔×黑警？我係×黑警出名（㗎）！講到『熱血公民』×黑警代表，我當之無愧！」親「熱狗」的「手作達人」吳斯翹（Billie Ng）就揶揄林慧思是否患上精神病，更做「認字特警」捉身為中文老師的林慧思錯處，「人多『細』眾」。
主角陳澤滔昨日凌晨就在fb出「反省post（帖文）」：「最重要嘅寫先，首先對任何因為BBQ事件而有影響嘅人致歉。無論我原意係乜都好，做唔到想要嘅效果就係搞手嘅問題，安排唔好，訊息傳遞唔好，場合唔湯唔水，有啲嘢係應該（反）求諸己嘅，對唔住大家。」他又稱自己的理念一直都是「唔好分黨分派咁標籤」。 ■記者 陳庭佳
