「我哋企嗰邊，聽到『嘭』一聲，就見到啲人瞓低晒，有5、6個......」，的士衝入人群一刻，正是SOGO感謝祭之日，不少銷售人員站在店外四周派發傳單，其中目擊車禍的翟小姐憶述稱，當時聽到一聲巨響，即見一輛的士衝入人群，多人走避不及被撞倒地上，「有啲唔係好嚴重就走咗，瞓喺度的都係老人家，亦有人尖叫。」她坦言平時不會想像到發生車輛撞人群的恐怖場面，「依家就真係唔敢再行出去。」
其中一名遭的士剷上車頭的潘姓男傷者在醫院稱：「好痛、好痛！」他左腳受傷，「唔知係咪骨裂，要照X光。」他指除腳傷外，臀部亦有瘀傷，手部亦擦傷，幸傷勢不算嚴重。他指，事發時正等候過馬路，的士突然將他撞倒。
途人斥的哥「有冇搞錯？」
潘續指，被撞倒後「碌咗落地有啲暈」，很快「有一男一女好心想嚟扶我，跟住其他行人就話唔好扶住，報警等救護車嚟仲好」。
其間更有男途人即場斥責的士司機：「有冇搞錯？你睇你架車有冇事？睇吓啲傷者先啦！」 ■記者 杜法祖