fb截圖正如一位看透世事的網友話齋，自從「青症雙邪」出現後，香港的喜劇將再難有新發展。「雙邪」中的「游已完」游蕙禎，去信台灣「總統」蔡英文，要求「中華民國政府」對「新界主權」表明立場，引來全城恥笑。不過，被指為「游已完狗頭軍師」的林浩基，竟發帖解讀，稱該信「等同宣告中華人民共和國於中國全境及香港之統治權均屬非法」。不過，全城恥笑呢吓嘢邊個都頂唔住，游蕙禎其後道歉稱該信「是被否決的草擬版本」。「本土民主前線」發言人黃台仰，以至被指稱「偏袒雙邪」的「無敵神駒」仇思達都頂唔順出posts質疑「游已完」。連自己人都插，睇怕有人今次真係「×到冇朋友」。
去信蔡英文 網民斥「影衰全港」
「游已完」一封「給『總統』的信」，令全港唔知好嬲定好笑，更令人好奇她的腦袋構造是否異乎常人。不過，「圍爐取暖」呢啲嘢，我哋普通人識條鐵咩！
「狗頭軍師」在「游已完」發信當日立即出帖，大讚游呢條全港恥笑嘅屎橋「正」。他在留言中癡人說夢，稱「封信就已經係好有力既（嘅）『外交宣示』......『香港』不承認中華人民共和國為唯一且合法之『中國』代表，而且台灣唔會要『新界主權』，『英國唔會要港九主權』，中共『主動放棄』香港主權，咁香港主權誰屬？禎等同宣告中華人民共和國於中國全境及香港之統治權均屬非法。」
「狗頭軍師」又乘機「擦吓鞋」稱，「我感到最慶幸之事係，今次係禎既（嘅）主意。佢已經比絕大多數香港人都成熟。」網民「葉詩嘉特」引述親「熱狗」專頁的批評，「游小姐......你又攪（搞）乜×呀！......你宜（𠵱）家攪（搞）×埋台灣做乜×！......最後台灣人講句你香港人嘅事關我哋×事，又要我哋樣×衰埋一份。」
發「道歉文」 游摑「狗頭軍師」一巴
「狗頭軍師」即口出惡言，「你睇唔明國際法上，呢着係目前最高？香港人就係咁無知同弱智，難怪無人肯援助！」林浩基的自己友「Tim Tim」就留言稱，「林浩基意思游以（已）代表國家身分（份）發聲明。」
真係「唔知嚇死，知道就笑死」，咁都得？不過，好快有人打「狗頭軍師」一巴，就係「游已完」自己：她在facebook（fb）發出了「道歉文」，稱台媒刊登的是「被否決的草擬版本」，又稱自己「非常重視」和台灣的「關係」，「決不會輕率行動。」
網民「Johnson Chong」更引述了黃台仰在自己的網台中稱，「游蕙禎呢一封信寄過去比（畀）蔡英文呢，就絕對係傻×嘅，我認真咁覺得」來打臉。
事實上，黃台仰在fb轉發了一篇由曾任《學苑》副總編輯的香港大學3年級學生江旻諺的文章，其中主題當然是唱衰「一國兩制」，但最關鍵的是其題目所說，《人大釋法之後，台灣何必理會香港？》「意圖守護台灣民主的政府，為了維繫『事實主權獨立』，避免進一步『觸怒激化中國』，則可能疏離香港，避免政治上的積極介入。......香港在台灣的戰略地圖上，不佔有任何角色。」這篇文的對象是誰，相信不必畫公仔盡出腸了。
自己友都惡頂 喊「青政」摺埋
鮮有批評「游已完」的「無敵神駒」仇思達也忍不住在其fb發帖道，「『青年新政』不如摺埋佢啦，費事丟人現眼。上次放流料跣『時代力量』都唔夠，今次又整封所謂『草擬版本』嘅『給蔡英文的信』俾（畀）《自由時報》。你唔提供俾（畀）人地（哋），點會原文刊登？定係見『奶（瀨）嘢』就改口話『草擬』？不過都唔重要啦，鑊鑊都攞其他媒體嘅公信力嚟較飛，不如執×咗夆捸C」 ■記者 羅旦