【網議政事】毛姨翻舊賬數臭訟黨

微信掃一掃

立法會議員毛孟靜（毛姨姨）月前退出公民黨（公文袋），嗰陣口口聲聲話「君子分手，不出惡言」，轉過頭就抽前東家水嘞。佢日前就善用facebook嘅「當年今日」功能，攞返6年前佢力撐不時涉嫌學術失德嘅鄭宇碩（袋鼠碩）選輸黨主席一事嚟講，而呢件事正正係佢同公文袋關係轉差嘅導火線，仲臨老學識cap圖（截圖）添。

毛姨姨將佢喺6年前支持鄭宇碩嘅status（狀態）cap低，仲提到：「霎眼6年。fb又提醒我有關『黨』的一筆。舊時唔識，今即刻cap圖留念。」

講返6年前發生乜事先：2011年1月，公文袋首次改選領導層，主席由時任秘書長袋鼠碩對獲時任候任黨魁梁家傑等人支持嘅陳家洛，當時毛姨姨仲舉晒牌支持袋鼠碩，最後都阻唔到陳家洛以11票之差險勝，史稱「陳家洛搶位事件」。

自此之後，毛姨姨就同公文袋「漸行漸遠漸無聲」，而佢喺退黨記者會上仲舊事重提，大爆當時有人支持陳家洛係因為陳承諾唔會選立法會。之後事情發展成點？大家有眼睇啦。 ■記者 陳庭佳

讀文匯報PDF版面