■男童一直跪行至行人路。網上截圖年僅8歲男童慘遭「非常父親」罰遊街示眾羞辱，事件引起網民熱議。有網民認為，8歲男童已有自己的思想及尊嚴，批評以當眾羞辱的方式管教子女絕不可取。另有網民狠評該非常父親：「在人群面前咁樣羞辱、打擊個仔的自尊心，個仔心裏（裡）只有仇恨。」更質疑：「呢個老竇喺屋企點對個仔真係不敢想像。」
網民Marble Fin指出：「養不教父之過，不過用咁嘅方法......又另類左（咗）D（啲）。咁細個，用溫和啲手法都夠啦，攪（搞）到咁尷尬，佢老竇會唔會回家又滕條炆豬肉架（㗎）？」
網民Alex Chan則稱：「嚴父並唔係咁，要教仔，首先要服眾，佢咁教只是在人前表演自己有教，咁在人群面前羞辱、打擊個仔的自尊心，個仔心裏（裡）只有仇恨，起唔到教育目的，個仔在外面幾百厭，忍到返家才教，但都不能體罰，佢永遠不會尊重及愛你這種父親！」
網民Cwc Heihei則警告：「他朝君體也相同。」■記者 杜法祖