■葉政淳開post批黃毓民。 fb截圖撐「青年新政」的「無待堂堂主」盧斯達被「熱城」中人「清算」時，「教主」黃毓民網台「MyRadio」繼續搵盧做節目，更批評「圍盧」的自己友「藏頭露尾」、「正×街」。
此舉激嬲「熱城」支持者，發起拒絕捐款行動。不過，黃毓民前晚在網台節目，就認衰稱自己對盧斯達「好×失望」，有理由相信是因為「課金大跌」，不得不認低威也。
盧斯達此前在網媒「本土新聞」任職。在立法會選舉期間，「本土」曾報道傻根（陳云根）公開表明一旦當選不會「辭職公投」，被質疑走數。雖然盧其後離開「本土」，但仍被炮轟他當時冇講嘢為傻根平反，又未有即時辭職，加上「本土」選舉後期開始不斷唱好「青症」，更在網民質疑「本土」已成「青症黨報」時「×人老母」，當然要付出代價，被「熱普城」中人狙擊。
葉政淳爆料批黃「養狗成性」
在眾狙擊手中，以涉嫌戴「V煞面具」、曾參與科學館衝擊事件而被捕、「一舉成名」的葉政淳最為「勇猛」。 盧在「教主」網台有節目，有網民就聲稱要到場「圍盧」，有人則叫支持者拒絕再支持該網台的運作。「教主」其後就在網台節目中批評圍攻「雙達」者「藏頭露尾」、「正×街」，「唔好教我做嘢」，更砌埋「熱狗」前頭目黃洋達，搞到葉政淳要出帖「道歉」。
前晚，葉政淳在fb分享了「海亞貞」的帖子，帖文稱「教主」在前晚節目中稱「對盧斯達好×失望」，其後就談到有人呼籲其支持者唔交月費是立心不良，希望聽眾繼續「課金」喎。葉政淳在帖文中稱，「是你（黃毓民）老眼昏花了。自己養狗成性，害人害物戕害忠良，反咬我動機不良？其實黃毓民先生，你咁做同盧斯達老屈我跪長毛有乜分別？是×但啦，凡事只要入我數，彷彿自己就變得正義。......你有無諗過點解你咁多忠實fans寧願得罪你，都企係（喺）我呢個無名小卒身邊？」
他更在留言部分稱，「我唔會原諒黃毓民」、「要追殺就放馬過來」等等。不少「熱狗」留言撐佢，聲稱「教主」鬧走支持者搞到冇水，完全是咎由自取。「Al But」更稱，「（教主）最令人討厭之處是拖埋黃洋達夫婦落水，言下之意是不滿他們和葉仔friend。大佬，別人交友關你×事？你小學畢業未呀？」
唔知係咪有人睇到葉政淳講嘢唔係好滿意，講咗啲嘢呢，葉其後在fb發帖，「話無人保到我？好笑，我有×叫過人保我，......啲人呢以為我要食政治飯、靠政治食飯、跟黃洋達搵食、靠份課金開飯咁。嚇×我？收×啦。」
呢單花生嘢唔知會點收科呢？■記者 羅旦
「熱城」鬧爆黃毓民
Ken Lu：當日誰將他（盧斯達）捧成本土健筆？咪又係渠（佢）（黃毓民）。
高漸飛：依（𠵱）家先嚟講，之前又×葉仔（葉政淳）×到反艇？
Trixia Pat：陰功囉，大半年前咁樣保佢（盧斯達），結果得罪大半fans......姑息養奸，不停趕走忠心支持者，真係無嘢好講。
ArTing Lam：難聽講，講完「選輸比（畀）個細路女我收得山啦」，大家都仲肯聽已經比（畀）足面啦係咪？
Ken Chan：個陣營發唔大都算，仲要次次養狗咬自己之餘咬埋其他人。如果唔係呢三幾年有國師（陳云根）黃洋達彈起，仲會啋（睬）你咩？
資料來源：fb 整理：羅旦