■「教主」以藍剔戶口留言，批評《熱時》不報道兩名暴徒全名，即被一班「熱狗」追咬。 fb截圖「熱狗」內訌已經內訌到煩。近日，《熱血時報》報道了楊逸朗及葉卓賢被控串謀縱火罪成的新聞，竟被「教主」黃毓民質疑做咩唔開名，「熱狗」反應激烈，狠批「教主」。
「教主」鬧《熱時》報道差
事緣「教主」在有關報道以藍剔戶口留言，「葉什麼，楊什麼？二人資料欠奉，如此報道，唉！」「熱狗」一見，即時狂攻。「Max Hui」稱，「呢個抗爭者唔介意開名，果（嗰）個抗爭者介意開名。......唔通次次都打電話去問下（吓）你介唔介意開名咩，運作上根本唔work（可行），唔好強人所難，講到咁叻自己報！」
「Audrey Tang」則稱，「法庭公開全名係一回事，傳媒公唔公開全名係另一回事。因為市民通常都係透過傳媒嚟了解案情同肇事人。為保障犯人重新做人嘅權利，唔應該開全名。更何況佢老人家一直叫人抗爭又話企喺抗爭者嗰邊，而（𠵱）家×人唔公開抗爭者全名，算點？」
被質疑借機炮打「熱狗」
「陳漢深」就認為「教主」是借機炮打「熱狗」，「我就覺得佢係要『點醒』班《熱時》支持者『你哋唔好以為《熱血時報》真係好×掂先得㗎！講嘢！』」
黃毓民其後在網台解釋，他不滿《熱時》唔開名，是因為這是一場「政治冤獄」，所以「愈多人知愈好」，更以美國平權領袖馬丁路德金為例，要「開名」令「義士揚名」。「熱狗」「ArTing Lam」揶揄：「兜就兜啦佢！」「藍鳳凰」也稱，「如果係咁，咁佢講點解覺得要開名咪得囉，洗（使）乜講到唔開名好似有大罪咁？」
不過，前「熱狗」李政熙今次似乎站在「教主」那邊，稱《熱時》「2016年7月已經開曬（晒）咁多個名了」，「我想講，你哋要×就要大力啲，《熱血時報》一早都已經開咗名了。在開唔開名呢一個爭論裏（裡）面，你地（哋）要搞清楚，時報做過啲乜嘢。」■記者 羅旦