■咖喱飯鬧鄭家富「晚節不保，臨老唔過得世」。 fb截圖事實證明，口中越講民主嘅人，其實都唔民主，特別係涉及自己利益嘅時候。在新界東落敗的「新民主同盟」范國威，近日針對有意「再出山」、參加可能於稍後舉行的新界東補選的鄭家富發動攻擊，稱對方已非反對派一員，倘容許對方參加反對派的「初選」，只會讓對方有機會「洗底」云云。有人批評范國威只識抹黑，有人更揶揄他自以為有權「欽點」誰是「泛民」之一，竟有權「剝奪他人政治權利終身」，引發與「新同盟」成員的罵戰。 ■記者 羅旦
范國威近日在接受《香港01》訪問時批評鄭家富在去年立法會選舉話唔選又選，話唔需要「新同盟」成員助選最終又挖人幫手，仲要「在選戰最後關頭拒絕棄選」，係人都知佢鎅票喎，又形容對方已離開「民主派」陣營，「晚節不保，臨老唔過得世」，反對派應「認真評估」是否容許鄭家富參與初選，以免讓對方有機會「洗底」，令市民誤以為他仍是反對派一員，更質疑對方即使在初選落敗，也會違反遊戲規則，反口參選。
為選唱人係鬼 陳展浚：擺明私怨
與范國威素有積怨的前民主黨成員、將軍澳民生關注組召集人陳展浚近日在fb轉發了有關訪問，並發文道：「其實鄭家富選唔選，范國威同長毛都係兩個活一個！......所有被認為唔夠勝算最終又的確輸左（咗）既（嘅）人，唔通都要比（畀）人剝奪政治權利終身咩！」
他續稱，「鄭家富比（俾）人話係鬼，由選舉開始都係咖喱（范國威）自己唱先，民主派都有眼睇。為表公平，初選一次解決曬（晒）啲恩怨係最好，佢吔（哋）擺明私怨。」
「新退黨同盟」麥潤培的助理李志宏在留言時，就以彼之道還施彼身：「我嚴重懷疑犯（范）國威出選就是為了鎅長毛的選票呀，嘗試令長毛落選但不成功！」曾代表民主黨參加2015年區議會選舉的謝智傑則留言稱，「其實要畫某條界線，去阻止某些人入閘，對追求普選的人係好有難度......一場選舉，有人提名就可以參選，冇義務講點解參選......選民點睇又係另一件事......總之唔好當選民係白痴就OK。」
網民批范反骨 與「新同盟」罵戰
「Andy Fung」留言狠批范國威「從來都係反骨仔」。「新同盟」成員任啟邦突然做「炸兩」，質問道：「想請教下范國威點反骨呢？」「Andy Fung」即指，「我衹（只）知道鄭家富同佢個團隊幫咖喱，未曾聽過咖喱講過啲乜野（嘢）多謝鄭家富喎？唔中傷鄭已經係幫忙啦！」任啟邦反駁，「唔講多謝就係反骨？」
陳展浚此時按捺不住，加入戰團：「任生，鄭生係幫左（咗）幾個人，但鄭辦資源幫邊個？Database比（畀）左（咗）邊個人？......做人有啲道義嘛！大家都係民主黨出身，我諗大家明白咩係師徒，大家都唔係石頭爆出嚟！」
他狠批，「新民主同盟咁鍾意講政治倫理道德，平時選舉，寫咩鄭家富徒弟，而（𠵱）家就反面唔認人！講完！」
其後有人充和事佬，罵戰暫時平息，不過越近補選，相信就會越多花生食嘞！