■傻根為「清黨」自辯。fb圖片「熱普城」猛咁搞內訌，真係食花生都食滯。此前不點名批評「熱城」頭目搞所謂「清黨」的「狗主」黃毓民，近日終於在其網台節目中「開名」，揶揄「城邦派國師」傻根（陳云根）：「佢都冇黨，清咩黨？」他又在另一節目大讚與「熱城」有積怨、和「青年新政」等友好的「港大幫」提出的「理論」，「係一種思想、理論上既（嘅）突破。」「熱城」中人質疑「狗主」此前話要「退出政壇」，近日即頻頻鬧「熱城」，似乎是想討好「青政」等，繼續「垂簾聽政」。
開名踩傻根 被鬧「老屎忽收皮」
「狗主」近日在其網台節目中再提到「熱城」的「清黨」問題，更點名揶揄傻根「你都冇黨清乜嘢黨」，但可能怕得罪「城邦」，所以補返句，話傻根冇搞過佢網台「My Radio」啲「行政人員」咁話喎。「熱城」中人「Al But」就狠批「狗主」「全力護狗」，「終於忍唔住開陳雲名......結論：毓民是盲炳，不辨是非，擇惡固執，可以收皮。」
「Al But」又乘機為「熱狗前首領」黃洋達「賣廣告」，「非常欣賞大亨，一方面沒有盲從師父（黃毓民）去做錯事， 另一方面低調不作回應，也是人（仁）志（至）義盡了。」「Siulok Chan」附和道，「大享雖然粗口爛舌，但卻尊師重道，不作回應，有道義，希望老屎忽（黃毓民）見好就收，適可而止啦！」
「Audrey Tang」也乘機為傻根「賣廣告」，「陳雲前幾日先幫佢打過圓場，試圖為佢嘅言論降溫，佢仲得寸進尺，燒埋去陳雲到（度）。佢係咪年紀大唔記得咗自己讚過陳雲清黨，趕走（被指曾抹黑傻根的網媒『本土新聞』話事人之一）曾焯文之流做得好啊？」
網民譏「近補選 多邊落注」
云粉「藍鳳凰」其後發帖，引述「狗主」在另一節目中稱，「要打破現時政治困局要有突破。早幾年，港大班（幫）後生仔提出民族論，我未必完全認同，就係一種思想、理論上嘅突破。」
他揶揄「所謂姣婆守唔到寡」，「嗱，我都話佢想痴（黐）本民青政㗎啦，真係補選近了！」
「趙雲」也稱，「要講香港人無法在政治上突破，說到唯一能在思想和理論上突破，講（『港大幫』提出的）《民族論》而不提自己一直推動的《城邦論》。看來後者已無利用價值。」
「Mientje Torey」就質疑此前稱要「退出政壇」的「狗主」另有所圖，「是否為青政本民前參選前掃雷？」
「Larry Low」則揶揄，「毓民多邊落注，不愧為政客。」 ■記者 羅旦