「自決派」立法會議員劉小麗喺上年選舉期間告急嗰陣，竟然牙斬斬話會捐一半人工出嚟，用嚟成立「家務義工隊」幫助老友記，仲話會公佈賬目。最後喺網民不斷追數下，先肯喺舊年11月底捐出半份10月人工，所以佢有個花名叫「小麗老千」。不過，「小麗老千」到??家都仲未交代舊年11月至今個月份糧捐咗去邊，甚至有無捐到都係未知之數。之前落力狙擊「小麗老千」嘅「無敵神駒」仇思達，最近再度出擊，要求「小麗老千」快啲捐埋嗰6個月糧，最後激到「小麗老千」喺facebook將佢個交友邀請mark as spam（標示為垃圾）。我哋尋日問過「小麗老千」係咪走數，佢話已經喺網上回覆咗，但睇返佢個facebook，佢只有喺舊年11月講過一次捐人工，之後更加提都無提過，睇嚟老友記啲福利都係凍過水！ ■記者 陳庭佳
神駒前排喺facebook啲post（帖文）主要都係輕輕鬆鬆食、玩、瞓、屙，近排唔知點解重操故業，狙擊返「小麗老千」。好似前日「小麗老千」講開公屋防火電線測試肥佬嗰陣，唔知係咪唔記得自己都走緊數，講到一句「開始到咗只有騙子才是真的年代了？」，即刻俾神駒cap圖（截圖）寸佢：「千王之王劉小麗，請問你幾時先至捨得捐出（20）16年11月至（20）17年4月嘅人工？開始到咗只有老千才是真的年代了？」
無教書一學期做政棍？
到咗尋日，神駒拎返自己嘅名作「劉小麗出糧的日子」出嚟，而呢個時候已經係「小麗老千」支薪嘅第一百七十七日，神駒講到深水埗班阿公阿婆由天冷等到天熱，轉眼間已經半年，問到「小麗老千」會唔會履行選舉承諾，捐出一半人工，「定係唔講就已經唔存在喇？」
身兼理大附屬嘅香港專上學院（HKCC）講師嘅「小麗老千」，喺選舉期間口口聲聲話唔會辭去教席，「因為我唔想做政棍」。不過網民「Fritz Kelu」就上載咗一張好似係「小麗老千」教嘅「Gender Issue（性別議題）」嘅授課時間表，話佢今個學期連書都無教。神駒就話：「嘩，劉小麗『唔想做全職政棍』論言猶在耳，做乜教半年就收工呀？睇嚟要整啲短片招呼吓吽A嗰陣老屈其他全職議員係『全職政棍』，??家自己做埋一份，正宗搞（攪）屎棍。」
神駒尋日又cap咗張圖，見到「小麗老千」個facebook戶口，而「加為朋友」嗰粒掣就灰咗，神駒解釋：「劉小麗議員將我的交友邀請標示為垃圾（mark as spam）。很好，少一個損友。」追吓數啫，唔使咁吖，難怪有網民寸佢就嚟連深水埗阿婆都mark as spam。
稱網上交代捐糧耍記者
我哋尋日喺立法會搵到「小麗老千」，佢話自己已經喺網上回覆咗捐糧件事，唔會再作任何回應咁話。但摷返佢個個人facebook，佢一隻字都無提過捐人工；而喺「小麗民主教室」個專頁度，最近都冇就捐款作出交代，對上嘅已經係舊年11月23日講返捐出半份10月人工，唔知咁樣係咪已經係佢口中嘅「交代」呢？