■有網民改圖寸黃毓民係「拆顆（夥）專家」。網上圖片「教主」黃毓民分裂組織嘅能力真係唔到你唔服，先有社民連，再有「人民力量」，𠵱家仲有「熱普城」（「熱血公民」、「普羅政治學苑」同「城邦派」嘅混合體）正式分裂成「熱城」。「熱狗」同「城邦派」寸「教主」要靠黐「獨派」嘅「本土民主前線」同「青年新政」搵食，另一個說法係「教主」想培養「香港民族黨」召集人陳浩天呢個「再世靈童」嚟延續影響力。「教主」繼日前開名鬧「熱血公民」過氣頭目黃洋達同「城邦派」「國師」傻根（陳云根）搞清算後，前晚再喺自己網台MyRadio度表現得老馬有火，起勢咁爆粗鬧「熱狗」同「城邦派」，話有年輕人想喺坉蚨竷x度開咪，但俾人恐嚇，仲開名批評兩個親「熱城」嘅網民「藍鳳凰」同「葉政淳」煽風點火。不過「藍鳳凰」同「葉政淳」就無「教主」咁好氣，認為佢山草藥噏得就噏！
「教主」前晚喺坉蚨竷x嘅節目度，對住「熱狗」同「城邦派」起勢咁發炮，成個節目佢係咁重複「十六字真言」：「我不負人，人若負我，我必×人，×完就算。」佢仲口口聲聲話自己唔會報復，「嗰兩個組織啲人點樣搞我哋，我又無話『你個×樣打巴你都好』，因為我信耶穌，我唔會做呢啲嘢，我有能力做而唔做。」
被指靠黐「獨派」續命發火
佢又反駁「熱狗」同「城邦派」寸佢要靠黐嘅「本民前」同「青政」搵食：「𠵱家啲人屈我，話我要投靠『本民前』、『青政』，笑×到人哋個口都......我投靠佢哋？佢哋已經滅亡咗啦，滅亡咗×你老味我投靠佢哋靈魂呀？係咪傻×咗呀？」叫佢哋唔好再浪費時間講呢啲嘢咁話。
「藍鳳凰」「葉政淳」齊中槍
同「教主」一齊做節目嘅「台長」梁錦祥就話，有個年輕人諗住喺MyRadio做節目，但有人喺網上咁樣恐嚇這個年輕人：「警告你唔好喺MyRadio度開新節目，唔係連你都清算埋，識時務者為俊傑，細路仔！唔好以為去得多國家，識少少扮代表，你黐黃毓民同太監（MyRadio節目總監Marco）班人無好下場。」「教主」呢個時候就話：「呼之欲出啦×你老味，《熱血時報》都叫過Marco做宦官，我唔會屈人嘅，×你老味你班冚×剷全部都身痕嘅，你恐嚇我啲細路，真係大×膽。」
雖然「教主」話唔會理「網上遊魂」，對呢啲人不以為然，理佢哋盞浪費時間，但佢最後都姣婆守唔到寡，開名鬧「藍鳳凰」同「葉政淳」。佢一口咬定「藍鳳凰」就係恐嚇MyRadio主持嘅人，「我×你老母你開真名吖，你開真名講我報差館拉你老味，呢個係恐嚇嚟嘅。」佢仲話知道「藍鳳凰」遠在加拿大多倫多，叫加東嘅支持者刮「藍鳳凰」出嚟。
另外，曾經寸MyRadio係「燶×台（意指窮鬼）」嘅「葉政淳」亦都中招，「證明我黃毓民×親嘅人都唔會×錯......你繼續吖，蒙面仔，你走到去天腳底我都搵到你。」
「藍鳳凰」同「葉政淳」俾「教主」開名鬧咁「與有榮焉」，自然喺facebook打打卡先，佢哋都話「教主」無真憑實據，「藍鳳凰」仲寸佢「使鬼縮埋喺個節目用個咪打飛機咩」。 ■記者 陳庭佳