一般人俾人盛讚都會覺得有啲唔好意思，但「中箭」（「香港眾志」）秘書長「河童」黃之鋒好明顯唔係一般人，人哋唔知頭唔知路咁讚佢，佢真係堂而皇之擺喺自己fb「貼堂」。黃之鋒前日喺fb出文，話美國網絡電視Netflix買咗坋M紀錄片，名為《黃之鋒：「熱血青年」 vs. 「超級強權」》，仲講影片簡介話「青少年黃之鋒為了拯救家園，奮力號召群眾，凝聚人心」，形容影片「啟發人心，充滿遠見」。咁樣幫自己戴光環，真係人唔笑，狗都吠。唔少網民都質疑黃之鋒「憑乜嘢」，有網民直情服咗妐隉J「人不要臉，天下無敵。」
Netflix亂吹捧 被嘲等睇笑片
黃之鋒嘅「政治力量」大不如前，索性自己光環自己戴，前日喺fb轉貼Netflix將佢吹噓成「聖人」嘅簡介。雖然下低都有支持者留言讚好，但亦有唔少留言挑機。「Dick Liu」直言︰「很老土的劇情介紹。」「莫海生」亦話︰「咁中（鍾）意吹自己。」「何童」就揶揄︰「我哋香港人等緊你挑戰共產黨呀？你幾時去挑戰呀？我哋香港人都捐咗唔少錢俾（畀）你做安家費，但係點解你仲日日係FB×噏唔出動，你唔係攞晒錢去周遊列國呀？」「Jimmy Leung」更抵死謂︰「咁要睇下係紀錄片定喜劇喇！」
另有唔少網民慨嘆外國對香港真係誤解好深。「Vincent Wai Kit Man」就話︰「外國人對『佔領』嘅理解，好似『東方主義』一樣只係一個偏見，一個（讓）人模糊印象。」「Sandy Mei Fong Chan」就問︰「『熱血青年』？有幾熱血呀？佢有流過血咩？拯救家園？！明顯係有人想捧佢做『民主英雄』！」「Leung Yat Long」就話︰「『熱血青年』？係咪楊千嬅首歌？『今天不夠電/別來加一劍/以為我還是個『熱血青年』~」
吃「人血杯麵」上位惹眾怒
唔少人都唔忿氣食「人血杯麵」嘅黃之鋒，竟然可以俾人講到變「英雄」。「Kais CyRus Jr.」就揶揄道︰「 黃之峰（鋒）：『熱血青年』食杯麵以抗『暴政』。」「單打獨鬥花木蘭」更怒斥︰「監就『熱狗』坐，光環就gphone（之鋒）攞。做『自決派』真舒服，幾邊光環隨（唾）手可得！唔該大家盡力用有限嘅英文同外國人解釋：呢條×街仔呃晒全世界，佢唔可以代表香港人，更唔代表熱血，佢只係個政治騙子。」
「Arthur Chin」就細心分析《黃之鋒：「熱血青年」 vs. 「超級強權」》個名道︰「諗落其實無錯，當時『 vs. 超級強權』的，確實係班『熱血青年』，黃之鋒做嘅嘢，就係個『：』，即係得個講字。」 ■記者 甘瑜