近日出版的《壹週刊》在封面報道所謂「大陸溝淡香港人」，其中提及一間位於大圍專門服務「港漂」的店舖。在報道出街後，該舖位及該公司位於觀塘的辦公室被一批戴口罩的大漢搗亂，包括打爛大門玻璃及掃低枱上電腦等。激進「本土派」的「中出羊子」就發帖，話「本土民主前線」發言人偉哥仰（黃台仰）「做得好」喎，似暗示「搗亂係偉哥仰策劃」。偉哥仰即時「澄清」：「關我×事！」（見圖）
坦白講，所謂「講就兇狠，做就毓民」。偉哥仰向來「叫人衝、自己鬆」，之前講所謂「寧為玉碎，不作瓦全」，結果咪又係潛咗水，「苟且偷生」做「瓦全」。所以話偉哥仰搞出呢單嘢，幾乎可以肯定講一句唔係啦！當然，大家都希望警方唔好放鬆，如果有懷疑就應該追究到底，唔使客氣喎！
■香港文匯報記者 羅旦