■鍾雪兒在fb「炫富」，被罵有錢但唔捐身家，搞到「永續基本法」失敗。 fb截圖睇住「港獨」分子內訌互片，其小學雞程度真係幾好笑。網名「霍由佳」的「熱狗」鄭松泰議員辦事處屏山南社區主任鍾雪兒近日被起底，有人質疑她一直自稱「圍村人」，但就在fb「炫富」話自己「太公太有錢的關係，將屯門仁愛堂成塊地送左（咗）俾（畀）政府起仁愛clinic（診所）」，更稱新界鄉議局前主席劉皇發「都係痴（黐）我爺飲茶」，又自稱有幾間村屋收緊租等等。其他激進派中人就揶揄佢喺之前嘅立法會選舉時，只捐3,000元畀「城邦派國師」傻根（陳云根），當對方係乞兒，又稱佢有錢但又唔捐身家，搞到「永續基本法」失敗，應該出嚟跪玻璃咁話。
鍾雪兒被其他激進派窮追猛打，其中一個攻擊點就是她聲稱自己是「圍村人」。她在fb聲稱，自己「太公太有錢的關係，將屯門仁愛堂成塊地送左（咗）俾（畀）政府起仁愛clinic ，所以你地（哋）一入去仁愛堂門口就會見到我阿爺。爺爺做過新墟村村長，以為人均真同熱心幫人而出名。『新界王』陳日新係我爺爺結拜兄弟，經常會同我爺爺傾新界有咩可以improve（改善），『劉皇叔』（劉皇發）都係痴（黐）我爺飲茶」云云。
她其後更不斷「炫富」，上載一張小狗在一花園中嬉戲的照片，稱：「一個人住1,400呎訂（地）方其實好奢侈，呢個係我個大概400呎的小花園。」在回應「自己友」留言時，她一時稱：「唔通（我）有七層樓收租又同佢講咩？」但一時又稱：「我有兩幢（丁屋）收緊租......」
捐3000元當「國師」乞兒
「香港癲佬力量」就發帖回帶對方此前在立法會選舉時捐了3,000元給傻根來揶揄：「『熱青城』就係一班鍾意炫耀財富嘅垃圾，先前有《熱血時報》老闆殘（陳）秀慧話自己好多閒錢去旅行，宜（??）家輪到扮圍頭人嘅姣婆四『熱血公民』鄭松泰議員辦事處屏山南社區主任鍾雪兒（fb：霍由佳），不過充大頭鬼好易俾人識穿！真係有七個物業喺手，出手又點會咁低？捐三千蚊俾（畀）陳雲真係當佢係乞兒咩！」
被「問責」罰跪玻璃
「無待堂堂主」盧斯達也揶揄道：「（鍾雪兒）該當何罪，有錢但又唔捐身家，搞到（傻根鼓吹的）『永續基本法』失敗，香港和中國（內地）十三億人都『世界末日』了，快出來跪玻璃！」
中文大學前學生會幹事會常務幹事黃于喬也加把嘴道：「咩人黎（嚟）架（㗎），炫富炫埋d（啲）嘢又唔係真係富。出身如何真係唔重要，但只係普普通通小康就當係寶曬（晒）命係咩玩法？」
和「熱城」有仇的「學生動源」召集人之一鍾翰林就乘機加一腳報仇，先上載一張鍾雪兒此前看到他接受電視節目播「獨」時，話佢係「×街×家剷」的已刪除的帖文截圖，並揶揄道：「『熱血公民』屏山南社區主任鍾雪兒係咪怕影響形象Del（刪除）咗Po（帖文）？」
其後，他恥笑對方近日頻頻「炫富」，「其實係咪因為我所以搞到屏山南社區主任痴（黐）×咗線？」