■梁金金上載一張掩面女子照片，指是鍾琬媛去申領回鄉證。 fb截圖「熱狗」四處樹敵，自以為八面威風，結果班「本土青政狗」現在大反擊，要「八大門派圍剿光明頂」喎！不過，其實「八大門派」咪又係同一狗樣？此前在北區搞所謂「光復」行動，其後與「熱普城」反面而被窮追猛打、消失咗一輪嘅「北區水貨客關注組」召集人梁金金（梁金成），就試圖「有仇報仇」，貼圖話曾經傍住「熱狗」副主席「四眼」鄭錦滿參加立法會選舉的「荷蘭妹」鍾琬媛，最近去申領回鄉證，揶揄一番，結果被踢爆係老屈，但唔少人都覺得「熱狗」平時咁鍾意網絡欺凌，自己受返都好應該咁話喎。
疑似「荷蘭妹」被鞭屍
自以為係「光復老祖」，但最終參選得嗰幾百票而備受恥笑的梁金金，近日在fb上載一張似乎係喺回鄉證申領處拍攝嘅相，相中有一掩面女子，並質疑該女子就係鍾琬媛，「人地（哋）（『熱狗』）搞地區工作之一，就係搞同街坊返『大陸』旅行，冇回鄉証（證）邊有人帶隊呀！『反共』？口號嚟㗎啫！」「Antony Yuen」就留言道：「掩住塊面驚人認到？」
不過，「熱城」支持者就即刻反擊。「趙雲」發帖罵道：「×你老母梁金城（成），做（造）謠話Bonix（鍾琬媛）搞回鄉証（證）？你求其（祈）搵個女人，都搵個似樣啲吖∼呢個邊度係Bonix呀？陰濕得來又要×。去死啦！」「Brian Ko」也指：「都睇唔到塊面，你話佢係鍾嘉欣都得㗎喇！」
一直同「熱狗」唔妥嘅「無待堂堂主」盧斯達就發帖「主持公道」，稱該帖是假的，「不應該牽涉無關的人。九個月來，很多人受了委屈，難免過度敏感，但乘亂無差別誅（株）連，就跟『熱城』沒分別......不認同『熱城』就不能犯他們的錯誤。」
「花生」也說：「Bonix又冇參與『清算』，唔好搞佢啦！」
網民譏「熱青城」自作孽
「唐牛」就說：「唔應該牽連Bonix，但若佢出選區選/立選，絕對唔可以支持，任何跟篤民（黃毓民）有關連既（嘅）人一旦當選， 資源會落在一眾『熱青城』首腦手上，用黎（嚟）養陳到（黃敬業）霍由佳（鍾雪兒）呢d（啲）×人，我相信『熱狗』裡面係仲有『有理念』既（嘅）人，但無論幾祟（崇）高既（嘅）理念由一班×人去把持都係無用。」
「Sam Poon」就認為，「呢d（啲）係『熱青城』自己造成，影張相食餐飯都要批鬥人......」
不過，曾被「城邦派國師」傻根（陳云根）「封」為「城邦忠烈公」、但反咗面而轉投「本民青政狗」嘅「天河明人」就有理冇理，繼續狙擊。他稱：「鍾琬媛整回鄉證有咩問題？（「熱狗」主席）鄭松泰都上北大啦~我們流著（着）中國人的血呀~」
在另一帖文中，他就稱：「（『青政雙邪』之一）游蕙禎衰宣誓ON XX，鍾琬媛衰呃人話自己係『本土』，跟住整回鄉證返『大陸』~」「Charlotte HeiLok」更留言稱，「禎禎靚Ｄ（啲），鍾琬媛個樣好淫。」 ■香港文匯報記者 羅旦