■「香港癲佬力量」製圖揶揄超音鼠「機不離手」。 fb截圖到底「熱血公民」副主席超音鼠（鄭錦滿）有幾咁離不開佢部手機？繼之前佢曾經喺法庭度玩手機俾法官鬧之後，超音鼠日前去做社區活動、服務市民，但依然機不離手，除咗大合照係企定定望鏡頭微笑影相外，其他嘅活動相見親妘ㄚY撳緊電話，俾專門狙擊「熱狗」嘅facebook專頁「香港癲佬力量」揶揄︰「鄭錦滿社區工作揸流灘，搞緊活動玩手機欠誠意。」
做嘢唔正經 入鏡即執正
啱啱個星期日，「熱血公民」搞咗個社區活動，聲稱話同啲小朋友玩遊戲。而超音鼠對正鏡頭就扮做嘢，鏡頭一唔係以佢做主角，就影到佢揸流灘玩電話。「癲佬力量」細心整合咗啲圖片出埋post話︰「鄭錦滿之前因為法庭內玩手機，被官質疑欠誠意，因而被控告藐視法庭。法庭佢都唔會放在眼內，白痴嘅公眾（之前『熱狗』主席鄭松泰曾鬧公眾白痴）當然唔會例外，所謂社區工作都只係一場戲。鄭錦滿由選舉期間，被（到）法庭受審，到今日搞所謂社區活動，佢從來未認真過。『熱血公民』搵一個咁唔認真嘅人，去擔任黨副主席，個黨自然垃圾不如。」
唔少網民都加入揶揄超音鼠。「Cm Fu」就話：「公平D（啲），佢上庭都玩嫁（㗎）啦，更何況只係平時同D（啲）市民扮FD（友好）活動姐（啫）.........」「Leung Calvin」就迅速地點出佢嘅「正經嘢」：「可能約女女去地辦（地方辦事處）做正經嘢。」「Sunny Chan」似乎從另一個角度道出問題所在：「個小朋友活動佢梗係揸流攤（灘）啦，你試下係青少年活動，成班少女喺度吨ㄙ噹X認真啊！」
網民揶揄有女先認真
「kwokchun Cheng」就寸爆表示：「連唯一識做嘅影相打卡都做唔掂，廢×滿。」「Kax Yum」也附和：「真係影住相，就扮下野（嘢）啦！」「Eric Chan Chi Hong」也隨聲附和，表示厭惡：「書展都係啦，鬼鬼鼠鼠（祟祟）玩手機，好人好姐都要sell下。」 ■香港文匯報記者 鄭治祖