■事件主角在fb公開道歉。 fb截圖《熱血時報》兩名男主持人闖女廁拍片，雖然兩人在fb道歉，但其支持者就撐「你哋冇做錯」，不但繼續俾「本土青政狗」圍攻，更引發「熱城」內訌：有部分「熱城」的「三國人物」批評入女廁的兩名男節目主持人，結果被另一《熱時》主持「英軍」反嗆「你哋識條×咩」，結果引來反擊，鬧佢四圍點火喎！ ■香港文匯報記者 羅旦
《熱時》兩名節目男主持，包括李鶴年及孔文希闖入一間商場的女廁，話要「睇曱甴」同拍埋片，結果俾對家狂轟，有人仲報埋警。東窗事發後，李鶴年及孔文希，連同拍片的女主持「Joey Tse」一度當冇事，有人更撐「你哋冇做錯到」，引發部分活躍的「熱城」支持者不滿。
「藍鳳凰」就發帖稱：「今次見到一個二個是非不分响（響）度盲撐話冇問題，呢啲先係大問題，對火燒後欄嘅災難視而不見，唔死就奇！呢啲絕不姑息。否則同班益友教徒有乜分別？」
「劉禪」也稱：「每一次出現問題，都係因為『自己人』隱惡揚善、雙重標準，堡壘由內至外攻破，我之前所謂的教育，將會由呢部分作起點。」
不過，另一《熱時》節目主持「英軍」就留言反擊，話「你地（哋）有無諗過要處理關於法律既（嘅）問題？定係覺得同你地（哋）解釋來龍去脈處理你地（哋）網民感受重要d（啲）？......一定需要處理，但係你地（哋）識條×處理咩，幫幫手，刪post，等消息，唔好倒米，唔該。」
「大人物」反擊 支持者火滾
成班「熱城」支持者即時着火。「藍鳳凰」即發帖反擊：「唔知呀大人物响（響）任何人係（喺）未道歉之前，就衝出黎（嚟）高高在上咁『你哋』『我哋』做乜呀，佢哋主持出事仲以為自己高人一等，呢啲極之弱智嘅公關唔知咩玩法。講白啲，不論識唔識處理，你哋主持俾人告關我×事。不過『網民』係有言論自由，呀大人物咁唔順就死返去你自己個wall，周圍去睇人嘢之後四圍點火好玩呀？唔係應該好忙救火咩？」
他續批道：「呢條友（『英軍』）係出名賤視網民，佢啲回應多數離不開『你啲網民有鬼影響力咩，咁叻就令我响（響）神七跌下黎（嚟）睇下（吓）』之類。成個台係網台，呢啲人就無理取鬧×走支持者。話唔關支持者事，但偏偏黃毓民同仇思達陳海琪之流攻擊個（嗰）時，呢啲人就失蹤，仲好意思高高在上？」
「劉禪」亦開火道：「好多人以為唔講件事就平息，戇××，唔講件事都係會俾對家辣著（着）。呢個唔係我地（哋）嘅責任，而係後欄玩火果（嗰）班點著（着）個火頭嘅責任。而（𠵱）家燒著（着）成條船，要救火果（嗰）個就走出黎（嚟）×d（啲）乘客，大佬d（啲）乘客係無辜比（俾）你燒死架（㗎）！」
「葉政淳」也發帖揶揄：「有人嫌你哋多事，叫人戒睇三國人物，又有人嫌你哋 多口倒米，咁我哋係咪要好好反省一下，以後唔好枉作小人，安安份份（分分）合埋個口做返一個稱職的『觀眾』？總之人哋自己有能力搞得掂啦，支持者就算係為公義而鬧，並唔包凡事老奉撲出來維護仲要被人嫌，人哋係主持，你邊×個呀，你網民咋？你有無聽我節目？」
主持已認衰 信徒仍死撐
罵戰一發不可收拾。最後，繼負責拍片的女主持「Joey Tse」率先發帖道歉，李鶴年及孔文希其後亦發帖道歉。
李鶴年在「道歉聲明」中解釋是Joey Tse稱商場二樓女廁內有很多蟑螂，他便「自告奮勇，入女廁幫Joey清理蟑螂，除此外，並無不軌」，又聲言當日拍攝並非進行節目錄影，完全與《熱時》無關咁話。
孔文希亦稱，他「並無任何不軌企圖，而Joey事前亦已確認並無其他人士在內」等等。
不過，佢兩個嘅支持者唔係咁諗。「Chiu Bryant」不忿道：「依（𠵱）家果（嗰）班××白痴無聊幼稚弱智既（嘅）膱友會大造（做）文章，佢地（哋）既（嘅）生命只係日以繼夜夜以繼日咁mon住你地（哋），唔好俾果（嗰）個辱華十一蝦條哥（仇思達）同埋個民國老人渣（黃毓民）搵到位入你地（哋），謹言慎行好重要。」「林森」更稱：「有咩錯。咪自我審查。香港人已大多數係白痴......咪比（俾）白痴影享（響）自己。」
「清算」搞到「清算」埋自己，真係愈來愈好玩。