■周浩鼎做直播狂鬧戇橋唯恐天下不亂。 fb截圖喺林子健聲稱「被擄」嘅頭幾日，公民黨黨魁楊岳橋（戇橋）一直表現得十分勇猛，仲不停將事件同高鐵「一地兩檢」扯上關係，點知林子健「頭七」都未過，就俾警察拉咗，搞到戇橋噚日即刻「笠水」，話「暫時唔會回應事件」，而公民黨亦將視線轉移到去反對大前年衝擊立法會者加刑。不過，精明嘅網民又點會俾佢分散注意力吖，成班人即刻喺吨妨e個facebook直播帖文度「鞭屍」，寸佢跟車太貼，而民建聯副主席周浩鼎亦都唔執輸，鬧戇橋唯恐天下不亂，令人心寒。
搞大龍鳳屈「一地兩檢」
其實戇橋又點止一次跟車太貼吖？好似之前民主黨主席胡志偉「獎門人」上身，提出「特赦論」，要求同時撤銷違法「佔中」主事者同埋「七警」嘅控罪，大家打和當修補撕裂，戇橋就當條爛橋係寶咁，最終頂唔住公眾反對嘅壓力而轉軚。
不過，人類總係要犯上同一個錯誤，戇橋喺林子健開記者會聲稱「被擄」嗰晚，喺fb玩直播，喺度話乜嘢「一地兩檢」、「香港境內實行大陸法」鬧得如火如荼時，話內地部門衝出嚟示範「跨境犯法」，質疑將來高鐵「割地行大陸法例」，類似情況會唔會更常見喎。
噚日雖然未算真相大白，但都足以令反對派多車連環相撞。成班網民就衝去戇橋個fb度留言恥笑佢，好似網民「Wong Cody」就認為，咁大場大龍鳳原來劍指「一地兩檢」，「鬼拍後尾枕，上綱上線乜都與『一地兩檢』扯上關係，輸晒啦！」
「Yan Tin」就話戇橋無論做律師定做盟友，竟然眼白白睇住同伴犯法，算乜嘢專業，又喺未確定事件真偽前已經偏激、偏頗評論事件，「你點對得住選民及香港市民？」
鬧劇令鴿黨誠信破產
周浩鼎噚日亦都做咗fb直播，寸戇橋急急抽水，乘機借呢件鬧劇同「一地兩檢」扯上關係，唯恐天下不亂，令人心寒。Holden又話，事件令到民主黨誠信破產，質疑民主黨咁嚴重嘅事竟然仲可以睜大眼講大話欺騙市民，企圖製造恐慌，呼籲警方必須嚴正徹查，甚至可以改用妨礙司法公正去檢控。
■香港文匯報記者 陳庭佳